ପରିବର୍ତ୍ତନର ସୂତ୍ରଧର ପାଲଟିଛି ‘ସମାଜ’ – ହରିବଂଶ

କଟକ: ଦୈନିକ ସମ୍ବାଦପତ୍ର ‘ସମାଜ’ ସାରା ଦେଶରେ ପରିବର୍ତ୍ତନର ସୂତ୍ରଧର ପାଲଟିଛି ବୋଲି ବିଶିଷ୍ଟ ସାମ୍ବାଦିକ ଓ ରାଜ୍ୟସଭା ଉପାଧ୍ୟକ୍ଷ ଶ୍ରୀ ହରିବଂଶ କହିଛନ୍ତି। ଆଜି ‘ଗୋପବନ୍ଧୁଙ୍କ ସତ୍ୟବାଦୀ’ ସାହିତ୍ୟ ପତ୍ରିକାର ବାର୍ଷିକ ସମାରୋହ ଅବସରରେ କଟକ ବିଜୁ ପଟ୍ଟନାୟକ ଛକ ସ୍ଥିତ ‘ସାରଳା ଭବନ’ରେ ଆୟୋଜିତ ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦେଇ ଶ୍ରୀ ହରିବଂଶ କହିଛନ୍ତି ଯେ ସମାଜ ଖବରକାଗଜ ନିରବଛିନ୍ନ ଭାବେ ନିରପେକ୍ଷ ସମ୍ବାଦ ପରିବେଷଣ ସହ ଦେଶର ବିକାଶ ଜୟଯାତ୍ରାରେ ପ୍ରମୁଖ ଭୂମିକା ଗ୍ରହଣ କରିଛି।

ଏହି ଉତ୍ସବରେ ମୁଖ୍ୟ ବକ୍ତା ଭାବେ ପ୍ରଖ୍ୟାତ ସାରସ୍ବତ ସାଧକ ତଥା ରେଭେନ୍‌ସା ବିଶ୍ବବିଦ୍ୟାଳୟର ପୂର୍ବତନ କୁଳପତି ଦେବଦାସ ଛୋଟରାୟ ଯୋଗ ଦେଇଥିବା ବେଳେ ସମାଜର ମୁଖ୍ୟ ପ୍ରଶାସନିକ ଅଧକାରୀ ଡଃ ପ୍ରଭାସ ଚନ୍ଦ୍ର ଆଚାର୍ଯ୍ୟ, ଗୋପବନ୍ଧୁଙ୍କ ସତ୍ୟବାଦୀର ସମ୍ପାଦକ ନିରଞ୍ଜନ ରଥ ଓ ସମାଜ ସମ୍ପାଦକ କାନନ ବିହାରୀ ଦାଶ ପ୍ରମୁଖ ମଂଚାସୀନ ଅଛନ୍ତି।