ଜାମ୍ମୁ: ତିନି ଦିନ ହେଲା ଜାମ୍ମୁରେ ସାନ୍ଧ୍ୟ ଆଇନ୍ ବଳବତ୍ତର ରହିଛି। ପୁଲୁୱାମା ଆକ୍ରମଣ ବିରୁଦ୍ଧରେ ଗତ ଶୁକ୍ରବାର ଦିନ ବ୍ୟାପକ ବିକ୍ଷୋଭ ପ୍ରଦର୍ଶନ କରାଯିବାରୁ ସାନ୍ଧ୍ୟ ଆଇନ୍ ଜାରି କରାଯାଇଥିଲା। ଡେପୁଟି ପୁଲିସ କମିଶନର ରମେଶ କୁମାର କହିଛନ୍ତି ଯେ ଉଚ୍ଚପଦସ୍ତ ଅଧିକାରୀଙ୍କ ଦ୍ୱାରା ପରିସ୍ଥିତିର ସମୀକ୍ଷା କରାଯାଉଛି ଏବଂ ସାନ୍ଧ୍ୟ ଆଇନ୍ ବଳବତ୍ତର ରଖାଯିବ କି ନାହିଁ ସେ ସମ୍ପର୍କରେ ରବିବାର ସନ୍ଧ୍ୟାରେ ନିଷ୍ପତି ନିଆଯିବ। ଜାମ୍ମୁ କାଶ୍ମୀର ରାଜ୍ୟପାଳ ସତ୍ୟ ପାଲ ମଲ୍ଲିକ ସୁରକ୍ଷା ବ୍ୟବସ୍ଥା କଡାକଡି କରିବାକୁ ପୁଲିସକୁ ନିର୍ଦ୍ଦେଶ ଦେଇଛନ୍ତି। ରାଜନୈତିକ ଏବଂ ଧାର୍ମିକ ସମ୍ମିଳନୀ ସମେତ ଗଣ୍ଡଗୋଳ କିମ୍ବା ହିଂସାରେ ଲିପ୍ତ ରହୁଥିବା ବ୍ୟକ୍ତିଙ୍କୁ ତୁରନ୍ତ ଗିରଫ କରିବାକୁ ରାଜ୍ୟପାଳ କହିଛନ୍ତି । ସେ ସମସ୍ତ ରାଜନୈତିକ ଦଳଗୁଡିକୁ ଶାନ୍ତି ଓ ସଦଭାବନା ସ୍ଥାପନ ପାଇଁ ଜନସାଧାରଣଙ୍କୁ ଆହ୍ୱାନ ଦେବାକୁ କହିଛନ୍ତି । ରାଜ୍ୟପାଳ କହିଛନ୍ତି, ଜମ୍ମୁରେ ସ୍ୱାଭାବିକ ଅବସ୍ଥା ଫେରି ଆସିଛି ଏବଂ ତାହା ବଜାୟ ରଖିବା ଆମର କର୍ତ୍ତବ୍ୟ। ସେ ମଧ୍ୟ ଶାନ୍ତି ବଜାୟ ରଖିବାକୁ ଜନସାଧାରଙ୍କୁ ନିବେଦନ କରିଛନ୍ତି।
Popular Categories
Previous article
Next article