କଟକ: କଟକରେ ଗୁଳି ଫୁଟାଇ ଯୁବତୀଙ୍କ ସୁନା ଚେନ୍ ଝାମ୍ପିନେଲେ ଦୁର୍ବୁତ୍ତ। ଏଭଳି ଅଭାବନୀୟ ଘଟଣା ଘଟିଛି ନରାଜ ଅଞ୍ଚଳରେ। ବାରଙ୍ଗ ଥାନା ଅନ୍ତର୍ଗତ ନରାଜ-ଗୋଡ଼ିସାହି ପାହାଡ଼ ଉପରେ ଶନିବାର ରାତିରେ କିଛି ଦୁର୍ବୃତ୍ତ ଜଣେ ଯୁବତୀଙ୍କଠାରୁ ସୁନା ଚେନ୍ ଛଡ଼ାଇନେବାବେଳେ ଗୁଳି ଫୁଟାଇଛନ୍ତି। ଖବର ପାଇ ବାରଙ୍ଗ ଥାନା ଓ ସିଡିଏ ଫେଜ୍-୨ ଥାନା ପୁଲିସ ପହଞ୍ଚି ଛାନ୍ ଭିନ୍ ଚଳାଇଛନ୍ତି। ନରାଜ ପାହାଡ଼ ଉପରେ ଥିବା ଓମଫେଡ୍ ପ୍ଲାଣ୍ଟ୍ଠାରୁ କିଛି ଦୂରରେ ଗତକାଲି ରାତିରେ କିଛି ଯୁବକ ଓ ଯୁବତୀ ବସି ଗପସପ କରୁଥିଲେ। ଏତିକି ବେଳେ କିଛି ଦୁର୍ବୃତ୍ତ ସେମାନଙ୍କ ପାଖରେ ପହଞ୍ଚି ବନ୍ଧୁକ ବାହାର କରି ଗୋଟିଏ ରାଉଣ୍ଡ୍ ଗୁଳି ଫୁଟାଇ ଯୁବତୀଙ୍କୁ ଭୟଭୀତ କରି ସୁନା ଚେନ୍ ଝାମ୍ପି ନେଇଥିଲେ। ୩ ଦିନ ତଳେ ସିଡିଏରୁ ସମାନ ଢଙ୍ଗରେ କିଛି ଅଜଣା ଦୁର୍ବୁତ୍ତ ଚେନ୍ ଛଡ଼ାଇନେଇଥିଲେ।
Popular Categories
Previous article
Next article