ରାଜ୍ୟରେ ଜୁନ ମାସରେ ଘଟିଥିବା ହାତୀ ମୃତ୍ୟୁ ଘଟଣାର ତଦନ୍ତ ନିମନ୍ତେ କ୍ରାଇମବ୍ରାଞ୍ଚକୁ ନିର୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ଏହାର ତଦନ୍ତ ନିମନ୍ତେ ମୁଖ୍ୟମନ୍ତ୍ରୀଙ୍କ ଅନୁମୋଦନ ଲୋଡ଼ାଯାଇଥିଲା ଓ ମୁଖ୍ୟମନ୍ତ୍ରୀ ଏହାକୁ ଅନୁମୋଦନ କରିଛନ୍ତି ।
ସୂଚନା ଅନୁସାରେ ବୌଦ୍ଧ ଜଙ୍ଗଲ ଡିଭିଜର ମାଧପୁର ରେଞ୍ଜ ଅନ୍ତର୍ଗତ ତଳଗାଁ ସେକ୍ସନ, ଗଣ୍ଡାପାଡ଼ୁ ବିଟର ମୁଣ୍ଡେଶ୍ୱର ସଂରକ୍ଷିତ ଜଙ୍ଗଲରେ ଜୁନ୍ ୧୬ ତାରିଖରେ ଏକ ଦନ୍ତାହାତୀର ମୃତଦେହ ଉଦ୍ଧାର କରାଯାଇଥିଲା । ହାତୀର ଶରୀରରେ ୯ଟି ଗୁଳି ବାଜିଥିଲା। ଏହି ଘଟଣାରେ ୪ଜଣ ବ୍ୟକ୍ତିଙ୍କୁ ଗିରଫ କରାଯାଇଥିଲା । ଅନୁରୂପ ଭାବରେ କେନ୍ଦୁଝର ଜିଲା ଚମ୍ପୁଆ ଅଞ୍ଚଳରେ ଜୁନ୍ ୧୪ତାରିଖରେ ବିଦ୍ୟୁତ୍ ତାର ବିଛା ଯାଇ ୨ଟିହାତୀକୁ ହତ୍ୟା କରାଯାଇଥିଲା ଓ ଗୋଟିଏ ହାତୀର ଦାନ୍ତ ତାଡ଼ି ନିଆଯାଇଥିଲା । ଏହି ଘଟଣାରେ ୩ ଜଣଙ୍କୁ ଗିରଫ କରାଯାଇଥିଲା ।
Comments are closed.