ପାଟଣା : ଆଜି ସାହାରପଡା ବ୍ଲକ ଅନ୍ତର୍ଗତ ଉଦୟପୁର ଉଚ୍ଚ ବିଦ୍ୟାଳୟ ଖେଳ ପଡିଆରେ ତିନି ଦିନ ଧରି ଚାଲିଥିବା ମା ଅନ୍ଧାରୀ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇ ଯାଇଛି । ତୁରୁମୁଙ୍ଗା ଓ କୋଳିପଶି କ୍ରିକେଟ ଟିମ ମଧ୍ୟରେ ରୋମାଞ୍ଚକର ପ୍ରତିଯୋଗିତା ହୋଇଥିଲା । ଶେଷରେ ତୁରୁମୁଙ୍ଗା ଦଳ ୧୪୩ ରନ କରି ଚମ୍ପିୟାନ ହୋଇଥିବାବେଳେ କୋଳିପଶି ଦଳ ୧୪୧ ରନ କରି ରନର୍ସଅପ ହୋଇଥିଲେ । ଚମ୍ପିୟାନ ତୁରୁମୁଙ୍ଗା ଦଳକୁ ଟ୍ରଫି ସହିତ ନଗଦ ୧୦ ହଜାର ଟଙ୍କା ପ୍ରଦାନ କରାଯାଥିଲା । ଉଦୟପୁର ପଂଚାୟତର ପୂର୍ବତନ ସରପଞ୍ଚ ସତ୍ୟ ନାରାୟଣ ନାଏକ ଚମ୍ପିୟାନ ତୁରୁମୁଙ୍ଗା ଦଳକୁ ପୁରସ୍କାର ପ୍ରଦାନ କରିଥିଲେ । ରନର୍ସ ଅଫ କୋଳି ପଶି ଦଳକୁ ଟ୍ରଫି ସହିତ ନଗଦ ୮ ହଜାର ଟଙ୍କା ପ୍ରଦାନ କରାଯାଇଥିଲା । ତୁରୁମୁଙ୍ଗା ଦଳର ରିଙ୍କୁ ମ୍ୟାନ ଅଫ ଦି ମ୍ୟାଚ ହୋଇ ପୁରସ୍କୃତ ହୋଇଥିବା ବେଳେ କୋଳିପଶି ( ମୟୁରଭଞ୍ଜ ) ଦଳର ସିପୁ ମ୍ୟାନ ଅଫ ଦି ସିରିଜ ହୋଇ ପୁରସ୍କୃତ ହୋଇଥିଲେ ।ଆଦିତ୍ୟ କୁମାର ବଘେଲ, ତାପସ କୁମାର ସାହୁ, ଚିନ୍ତା ମଣି ପାତ୍ର, ଦେବଜ୍ୟୋତି ସିଂ, ସମ୍ବିତ ପରିଡ଼ା ପ୍ରସନ୍ନ ପରିଡା, ଶମ୍ବୁନାଥ ପାତ୍ର, କିରଣ ପ୍ରସାଦ ସାମଲ ଓ ମା ଅନ୍ଧାରୀ କ୍ଲବର ଅନ୍ୟାନ୍ୟ ସଦସ୍ୟ ମାନଙ୍କ ସହଯୋଗରେ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ସୌମ୍ୟଜିତ ମହାପାତ୍ର ଓ ତ୍ରିପୁରାରି ପାତ୍ର ଅମ୍ପାୟାର ଭାବେ ୩ ଦିନ ଧରି ଖେଳକୁ ପରିଚାଳନା କରିଥିଲେ ।
Comments are closed.