ପାଟଣା : ପାଟଣା ବ୍ଲକ ଅନ୍ତର୍ଗତ ମୂଷାଖୋରୀ ଗ୍ରାମର ସାମ୍ବା ଯୁବକ ସଂଘ ପକ୍ଷରୁ ଅନୁଷ୍ଠିତ ମା’ ବାସୂଳୀ କପ୍ କ୍ରିକେଟ ପ୍ରତିଯୋଗିତାରେ ସ୍ୱାମ ପାଟଣାକୁ ପରାସ୍ତ କରି ବୋଦାପଳସା ଦଳ ଚମ୍ପିୟାନ ହୋଇଛି । ଟସ୍ ଜିତି ସ୍ୱାମ ପାଟଣା ପ୍ରଥମ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭରରେ ୮ ୱିକେଟ ହରାଇ ୯୪ ରନର ଜବାବରେ ବୋଦାପଳସା ଦଳ ୮ ଓଭର ୫ ବଲ ରେ ୯୯ ରନ କରି ୭ ୱିକେଟ ରେ ବିଜୟ ହାସଲ କରିଥିଲା । ଅମ୍ପାୟାର ଭାବେ ସୁବ୍ରତ ସେଠୀ ଓ ସମୀର ସେଠୀ ଧାରା ବିବରଣୀରେ ଅରୁଣ କୁମାର ମହାନ୍ତ ଓ ଶିବ ଶଙ୍କର ରଣା ସ୍କୋରର ଭାବେ ଆକାଶ ସେଠୀ ଓ ବୁବୁନ ସେଠୀ ନିଜ ଦାୟିତ୍ଵ ସମ୍ପନ୍ନ କରିଥିଲେ। ପ୍ରତିଯୋଗିତାର ମୁଖ୍ୟ ଆୟୋଜକ ରବୀନ୍ଦ୍ର କୁମାର ସେଠୀଙ୍କ ଅଧ୍ୟକ୍ଷତାରେ ଆୟୋଜିତ ପୁରସ୍କାର ବିତରଣ ଉତ୍ସବରେ ମୁଖ୍ୟ ଅତିଥି ଭାବେ ପାଟଣା ବିଧାୟକ ଜଗନ୍ନାଥ ନାଏକ, ସମ୍ମାନିତ ଅତିଥି ଭାବେ ବ୍ଲକ ଅଧ୍ୟକ୍ଷ ବିଶ୍ଵନାଥ ନାୟକ, ବ୍ଲକ ବିଜେଡ଼ି ସଭାପତି ମାଧବା ନନ୍ଦ ପୃଷ୍ଟି, ଜିଲା ପରିଷଦ ସଦସ୍ୟ ସୁରେଶ ଚନ୍ଦ୍ର ନାଏକ, ସରପଞ୍ଚ ଭାମାମଣି ଦାସ, ସମିତି ସଭ୍ୟା ରାଣୀ ମାଝୀ, ଏବିଇଓ ସଚ୍ଚିଦାନନ୍ଦ ସେଠୀ ଓ ସାଧନ କେନ୍ଦ୍ର ସଂଯୋଜକ ଦିବାକର ଦେହୁରୀ ପ୍ରମୁଖ ଯୋଗ ଦେଇଥିଲେ। ଚମ୍ପିୟାନ ଦଳକୁ ବିଧାୟକ ଶ୍ରୀ ନାଏକ ୨୦ ହଜାର ଟଙ୍କାର ପୁରସ୍କାର ସହ ଟ୍ରଫି ଓ ଉପ ବିଜେତା ଦଳକୁ ୧୫ ହଜାର ଟଙ୍କା ଓ ଟ୍ରଫି ପ୍ରଦାନ କରି ସମ୍ମାନିତ ଅତିଥି ଶ୍ରୀ ପୃଷ୍ଟି ପ୍ରଦାନ କରିଥିବା ବେଳେ ଅତିଥିଗଣଙ୍କ ଦ୍ଵାରା ଅନ୍ୟାନ୍ୟ ପୁରସ୍କାର ପ୍ରଦାନ କରାଯାଇଥିଲା । ପ୍ରତିଯୋଗିତା ରେ ୧୬ ଟି ଦଳ ଅଂଶ ଗ୍ରହଣ କରିଥିଲେ।
Comments are closed.