ନୂଆଦିଲ୍ଲୀ: ଦୂରଦର୍ଶନରେ ପ୍ରସାରଣ ହେବାକୁ ଥିବା ନିର୍ବାଚନୀ ଅଭିଯାନ ବକ୍ତବ୍ୟରୁ କିଛି ଶବ୍ଦ ହଟାଇବାକୁ ଭାରତୀୟ କମ୍ୟୁନିଷ୍ଟ ପାର୍ଟି (ସିପିଆଇ) ଅଗ୍ରାହ୍ୟ କରିବା ସହ ଏ ନେଇ ନିର୍ବାଚନ କମିଶନଙ୍କୁ ଅଭିଯୋଗ କରିବ ବୋଲି କହିଛି। ସିପିଆଇ ସଚିବ ବିନୟ ବିଶ୍ୱମ କହିଛନ୍ତି, ପ୍ରସାର ଭାରତୀର ନିରୀକ୍ଷଣ କମିଟି ଆଦର୍ଶ ଆଚରଣ ବିଧି ଉଲ୍ଲଙ୍ଘନ ଆଧାରରେ ନିର୍ବାଚନୀ ଅଭିଯାନ ବକ୍ତବ୍ୟରୁ ‘ଆରଏସଏସ’ ଏବଂ ‘ଫାସିବାଦ ବିଚାରଧାରା’ ଭଳି ଶବ୍ଦ ହଟାଇବାକୁ ନେଇ ଦେଇଥିବା ନିର୍ଦ୍ଦେଶକୁ ପାର୍ଟି ବିରୋଧ କରିଛି। ବିଶ୍ୱମ କହିଛନ୍ତି ଯେ ଆକାଶବାଣୀରେ ପାର୍ଟିର ନିର୍ବାଚନୀ ଅଭିଯାନ ବକ୍ତବ୍ୟ ରେକର୍ଡିଙ୍ଗ ଶେଷ ହୋଇସାରିଥିବ ବେଳେ ଦୂରଦର୍ଶନ କିଛି ଶବ୍ଦ ଅପସାରଣ କରିବାକୁ କହିଛି।
ପ୍ରସାର ଭାରତୀ ବିଜେପିର ମୋଦୀ ସରକାରଙ୍କ ଇଙ୍ଗିତରେ ଏଭଳି କରୁଥିବା ସେ ଅଭିଯୋଗ କରିଛନ୍ତି। ସେ କହିଛନ୍ତି ପ୍ରସାର ଭାରତୀର ଏଭଳି କାର୍ଯ୍ୟଶୈଳୀ ଦ୍ୱାରା ରାଜନୈତିକ ଦଳ ନାଗରିକଙ୍କ ପାଖରେ ନିଜର ଚିନ୍ତାଧାରା ପ୍ରକଟ କରିବାରେ ଅସୁବିଧାର ସମ୍ମୁଖୀନ ହେବେ ବୋଲି ସେ ଅଭିଯୋଗ କରିଛନ୍ତି।
Comments are closed.