କଟକ : ଭିନ୍ନକ୍ଷମମାନଙ୍କୁ ଭୋଟଦାନ ପ୍ରକିୟାରେ ସକ୍ରିୟ ଅଂଶଗ୍ରହଣ ପାଇଁ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଭିନ୍ନକ୍ଷମମାନେ କିପରି ସୁବିଧାରେ ମତଦାନ କରିବେ, ଭୋଟଗ୍ରହଣ କେନ୍ଦ୍ରରେ ପହଞ୍ଚିବା, ପରିବହନ ସୁବିଧା, ଭିନ୍ନକ୍ଷମଙ୍କ ପାଇଁ ର୍ୟାମ୍ପ ଓ ହୁଇଲ ଚେୟାର ବ୍ୟବସ୍ଥା ଅଗ୍ରାଧିକାର ଭିତ୍ତିରେ ଯୋଗାଇ ଦେବାପାଇଁ ସ୍ୱଚ୍ଛାସେବୀ ନିୟୋଜିତ କରିବା ବିଷୟରେ ଆଲୋଚନା ହୋଇଥିଲା। ସେହିପରି ଭିନ୍ନକ୍ଷମଙ୍କର ଭୋଟ ଦେବା ଶୈଳୀ ଓ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଭାରତୀୟ ରେଡକ୍ରସ ସୋସାଇଟି ଓଡ଼ିଶା ରାଜ୍ୟ ଶାଖା ‘ସହାୟ’ ଓ ଜିଲା ପ୍ରଶାସନ ମିଳିତ ସହଯୋଗରେ ସହାୟ ଅନୁଷ୍ଠାନରେ,କଟକ ଶୈଳବାଳା ମହିଳା ମହାବିଦ୍ୟାଳୟଏବଂ ଜାତୀୟ ଆଇନ ବିଶ୍ବ ବିଦ୍ୟାଳୟରେ ଭିନ୍ନ ଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
‘ସହାୟ’ ସମ୍ପାଦିକା ମୃଣାଳୀନି ପାଢୀଙ୍କ ଅଧ୍ୟକ୍ଷତାରେ ଏହିସବୁ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଜାତୀୟ ଆଇନ ବିଶ୍ବ ବିଦ୍ୟାଳୟର କୁଳପତି ପ୍ରଫେସର ଡ଼କ୍ଟର କ୍ରିଷ୍ଣାଦେବା ରାଓ, ଓଡ଼ିଶା ସରକାରଙ୍କ ସାମାଜିକ ନ୍ୟାୟ ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଅଧିକାରୀ ସନ୍ୟାସ ବେହେରା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଏହି କାର୍ଯ୍ୟକ୍ରମରେ ସହାୟର ଅଧ୍ୟକ୍ଷ ଶାନ୍ତିମଞ୍ଜରୀ ସାହୁ ଓ ଶିକ୍ଷକ ଶିକ୍ଷୟତ୍ରୀ ଯୋଗଥିଲେ।
Comments are closed.