ନୂଆଦିଲ୍ଲୀ : ଦେଶରେ ପୁଣି ଚିନ୍ତା ବଢାଇଲା କରୋନାର ଦୈନିକ ସଂକ୍ରମଣ। ଗତ କିଛି ଦିନରେ ଧିରେ ଧିରେ ପୁଣି ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଛି। ୪ ହଜାର ଟପିଲା ଦୈନିକ ସଂକ୍ରମଣ। ୨୪ ଘଣ୍ଟାରେ ୪,୪୩୫ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଦେଶରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ ୨୩ ହଜାର ୦୯୧ ହୋଇଛି। ମଙ୍ଗଳବାର ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୨୧,୧୭୯ ରେକର୍ଡ କରାଯାଇଥିଲା। ସେହିପରି ଦେଶରେ ଏଯାଏଁ କରୋନାର ଟିକାର ୨୨୦.୬୫ କୋଟିରୁ ଅଧିକ ପାନ ଦିଆଯାଇ ସାରିଛି। ୧୦୨.୭୪ କୋଟିରୁ ଅଧିକ ଲୋକେ ପ୍ରଥମ ପାନ ନେଇ ସାରିଛନ୍ତି। ୯୫.୧୯ କୋଟିରୁ ଅଧିକ ଲୋକେ ଦ୍ୱିତୀୟ ପାନ ନେଇ ସାରିଛନ୍ତି। ଏହାସହ ୨୨.୭୨ କୋଟିରୁ ଅଧିକ ଲୋକେ ବୁଷ୍ଟର ଡୋଜ୍ ନେଇ ସାରିଛନ୍ତି।
Comments are closed.