ନୂଆଦିଲ୍ଲୀ : ପ୍ରବଳ ଖରା ମଧ୍ୟରେ ପୁଣି କରୋନା ସଂକ୍ରମଣ ବୃଦ୍ଧି ପାଉଥିବା ଦେଖାଯାଉଛି। ମାତ୍ର ସାତ ଦିନ ମଧ୍ୟରେ ଏହି ସଂକ୍ରମଣ ଦେଶର ଚାରି ରୁ ୧୫ ଟି ରାଜ୍ୟରେ ପହଞ୍ଚିଛି। ଗୋଟିଏ ଗୋଟିଏ ଜିଲାରେ ସଂକ୍ରମଣ ହାର ଅଧିକ ରହଛି। ଏହି ଜିଲ୍ଲାଗୁଡ଼ିକୁ ହଳଦିଆ ଜୋନ୍ ରେ ରଖିବା ସହିତ ତୁରନ୍ତ ତଦାରଖ ବୃଦ୍ଧି ପାଇଁ ନିର୍ଦ୍ଦେଶନାମା ଜାରି କରାଯାଇଛି।
ସୋମବାର କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଜାରି କରାଯାଇଥିବା ରିପୋର୍ଟ ଅନୁଯାୟୀ, ଜଣାପଡିଛି, ଜୁନ୍ ୬ ରୁ ୧୨ ମଧ୍ୟରେ ଦେଶର ୫୦ ଟି ଜିଲ୍ଲାରେ କରୋନା ସଂକ୍ରମଣ ପାଞ୍ଚ ପ୍ରତିଶତରୁ ଅଧିକ ବୃଦ୍ଧି ପାଇଛି। ଜୁନ୍ ୬ ପୂର୍ବରୁ, ଏହି ଜିଲ୍ଲାଗୁଡିକର ସଂଖ୍ୟା ୨୮ ଥିଲା। ମିଜୋରାମ, ପଣ୍ଡିଚେରୀ ଏବଂ ଅରୁଣାଚଳ ପ୍ରଦେଶରେ ଏହି ସଂକ୍ରମଣ ୭୦ ପ୍ରତିଶତରେ ପହଞ୍ଚିଛି। ଅର୍ଥାତ୍, ଏକ ସପ୍ତାହ ମଧ୍ୟରେ ଏଠାରେ ଅନୁସନ୍ଧାନ ସମୟରେ, ୧୦ ଟି ନମୁନା ମଧ୍ୟରୁ ସାତଜଣ କରୋନା ସଂକ୍ରମିତ ହୋଇଥିବା ଜଣାପଡିଛି ।
ନାଗାଲାଣ୍ଡ, ରାଜସ୍ଥାନ, ତାମିଲନାଡୁ, ଉତ୍ତରପ୍ରଦେଶ ଏବଂ ପଶ୍ଚିମବଙ୍ଗର ଗୋଟିଏ ଗୋଟିଏ ଜିଲ୍ଲା ହଳଦିଆ ଜୋନ୍ ରେ ଅଛି । ସେହିଭଳି ଦିଲ୍ଲୀ, ଦକ୍ଷିଣ, ପୂର୍ବ, ଉତ୍ତର ପଶ୍ଚିମ ଏବଂ କେନ୍ଦ୍ରୀୟ ଦିଲ୍ଲୀର ୧୧ ଟି ଜିଲ୍ଲା ମଧ୍ୟରୁ ଚାରିଟିରେ ଏହି ସଂକ୍ରମଣ ପାଞ୍ଚରୁ ସାଢେ ପାଞ୍ଚ ପ୍ରତିଶତ ମଧ୍ୟରେ ରହିଛି। ଏମାନଙ୍କ ବ୍ୟତୀତ ହରିୟାଣାର ଗୁରୁଗ୍ରାମରେ ୯.୪୦, ଫରିଦାବାଦରେ ୭.୦୮ ଏବଂ ପଞ୍ଚକୁଲାରେ ୬.୪୧ ପ୍ରତିଶତ ସଂକ୍ରମଣ ରହିଛି। ସେହିଭଳି ଅରୁଣାଚଳ ପ୍ରଦେଶ, ଆସାମ, ଗୋଆ, କେରଳ, ମଧ୍ୟପ୍ରଦେଶ, ମହାରାଷ୍ଟ୍ର ଏବଂ ମିଜୋରାମରେ ସଂକ୍ରମଣ ଶୀଘ୍ର ବ୍ୟାପିଛି। ସ୍ୱାସ୍ଥ୍ୟ ମନ୍ତ୍ରଣାଳୟର ଅତିରିକ୍ତ ସଚିବ କହିଛନ୍ତି ,କରୋନା ବିସ୍ତାର ପୂର୍ବ ଅପେକ୍ଷା ଦ୍ରୁତ ଅଟେ। ଏହା ପଛରେ ଏକ ନୂତନ ପ୍ରକରଣ ଥାଇପାରେ। ମାତ୍ର ଏଯାଏଁ ଏନେଇ ବୈଜ୍ଞାନିକଙ୍କ ପକ୍ଷରୁ କୌଣସି ସ୍ପଷ୍ଟ ସୂଚନା ନାହିଁ।
ସ୍ୱାସ୍ଥ୍ୟ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ କହିଛନ୍ତି, ଦିଲ୍ଲୀର ପ୍ରଭାବ ସମଗ୍ର ଏନସିଆରରେ ଦେଖାଯାଉଛି। ଏହି ସଂକ୍ରମଣ ଦିଲ୍ଲୀର ତିନୋଟି ସୀମା ନିକଟରେ ଥିବା ଗୌତମବୁଦ୍ଧ ନଗର, ଗୁରୁଗ୍ରାମ ଏବଂ ଫରିଦାବାଦ ରେ ସଂକ୍ରମଣ ହଳଦିଆ ଜୋନ୍ ରେ ପହଞ୍ଚିଛି। ସେହିପରି ଗାଜିଆବାଦ ଏବଂ ସୋନିପାଟରେ ପରିସ୍ଥିତି ଏବେ ମଧ୍ୟ ନିୟନ୍ତ୍ରଣରେ ଅଛି । ସେ କହିଛନ୍ତି, ମନ୍ତ୍ରଣାଳୟ ଉତ୍ତରପ୍ରଦେଶ ଏବଂ ହରିୟାଣା ସରକାରଙ୍କୁ ତୁରନ୍ତ ଏହି ଦୁଇଟି ସହରରେ ତଦାରଖ ବୃଦ୍ଧି କରିବାକୁ କହିଛନ୍ତି। ଯାହାଦ୍ୱାରା ସଂକ୍ରମଣର ବୃଦ୍ଧିକୁ ଯଥାଶୀଘ୍ର ନିୟନ୍ତ୍ରଣରେ ରଖାଯାଇପାରିବ ।
ସୋମବାର ଦିନ ୧୨୨ ଦିନ ପରେ ଦେଶରେ ପ୍ରଥମ ଥର ପାଇଁ କରୋନା ସଂକ୍ରମଣ ହାର ତିନି ପ୍ରତିଶତ ଅତିକ୍ରମ କରିଛି । ଚଳିତ ବର୍ଷ ଫେବୃଆରୀ ୧୧ ରେ ଶେଷ ଥର ପାଇଁ ଗୋଟିଏ ଦିନରେ ୩.୫୦ ପ୍ରତିଶତ ନମୁନା ସଂକ୍ରମିତ ହୋଇଥିବା ଜଣାପଡିଛି । ଗତ ଦିନରେ, ୩.୨୪ ପ୍ରତିଶତ ନମୁନା ପଜିଟିଭ ଚିହ୍ନଟ ହୋଇଥିଲା।
ସୋମବାର ଦିନ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ମାନସୁଖ ମାଣ୍ଡଭିଆ କରୋନା ସମ୍ପର୍କରେ ଭିଡିଓ କନଫରେନ୍ସିଂ ମାଧ୍ୟମରେ ରାଜ୍ୟର ସ୍ୱାସ୍ଥ୍ୟମନ୍ତ୍ରୀଙ୍କ ସହ ଏକ ବୈଠକୁ କରିଛନ୍ତି। ଅନୁସନ୍ଧାନରେ କୌଣସି ପ୍ରକାର ଅବହେଳା ନକରିବାକୁ, ଘର ଘର ବୁଲି ସଚେତନ ଅଭିଯାନକୁ ତ୍ୱରାନ୍ୱିତ କରିବାକୁ କେନ୍ଦ୍ର ମନ୍ତ୍ରୀ ସେମାନଙ୍କୁ ଆବଶ୍ୟକୀୟ ନିର୍ଦ୍ଦେଶ ଦେଇଛନ୍ତି।
Comments are closed.