ନୂଆଦିଲ୍ଲୀ : ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଶୁକ୍ରବାର ଦିନ ଦିଲ୍ଲୀର କରୋନା ଅବସ୍ଥା ନେଇ ସ୍ୱାସ୍ଥ୍ୟ ବିଭାଗର ଅଧିକାରୀଙ୍କ ସହ ଏକ ବୈଠକ କରିଛନ୍ତି। ବୈଠକ ପରେ ସାମ୍ବାଦିକ ସମ୍ମିଳନୀ ପରେ କେଜ୍ରିୱାଲ କହିଛନ୍ତି , ଚିନ୍ତା କରିବାର କିଛି ନାହିଁ, ଆବଶ୍ୟକ ପଦକ୍ଷେପ ନିଆଯାଉଛି। ଜିନୋମ ସିକ୍ୱେନ୍ସିଂ କରାଯାଉଛି। ଦିଲ୍ଲୀରେ କରୋନା ମାମଲା ବୃଦ୍ଧି ପାଉଛି। ଗତ ୨୪ ଘଣ୍ଟା ମଧ୍ୟରେ ଦିଲ୍ଲୀରେ ୨୯୫ ନୂତନ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଦିଲ୍ଲୀରେ ୯୩୨ ଟି ସକ୍ରିୟ ମାମଲା ରହିଛି। କରୋନା ପାଇଁ ଭୟଭୀତ ହେବାର କୌଣସି ଆବଶ୍ୟକତା ନାହିଁ । ସାବଧାନ ହେବା ଆବଶ୍ୟକ ।
କେନ୍ଦ୍ର ସରକାର ସେହି ରାଜ୍ୟଗୁଡିକର ନାମ ପ୍ରକାଶ କରିଛନ୍ତି ଯେଉଁଥିରେ କରୋନା ମାମଲା ବୃଦ୍ଧି ପାଉଛି,ଦିଲ୍ଲୀର ନାମ ସେଥିରେ ଅନ୍ତର୍ଭୁକ୍ତ ନୁହେଁ । ମାର୍ଚ୍ଚ ୧୫ ରେ ଦିଲ୍ଲୀରେ ୧୫ ଟି ମାମଲା ଥିଲା, ବର୍ତ୍ତମାନ ଏହା ୨୯୫ କୁ ବୃଦ୍ଧି ପାଇଛି। ଏହି ମାମଲାଗୁଡ଼ିକ କାହିଁକି ବୃଦ୍ଧି ପାଉଛି, ସେଥିପ୍ରତି ଧ୍ୟାନ ଦେଇ ଆବଶ୍ୟକ ପଦକ୍ଷେପ ନେବା ଆବଶ୍ୟକ ବୋଲି କହିଛନ୍ତି।
Comments are closed.