ନୂଆଦିଲ୍ଲୀ : ଦେଶରେ କରୋନା ସଂକ୍ରମିତଙ୍କ ଆରୋଗ୍ୟ ହାର ୫୩.୮୦%କୁ ବୃଦ୍ଧି ପାଇଛି। ଫଳରେ ମୋଟ୍ ୨ଲକ୍ଷ ୪ହଜାର ୭୧୧ଜଣ ସଂକ୍ରମିତ ଆରୋଗ୍ୟଲାଭ କରିଛନ୍ତି। ଗତ ୨୪ ଘଣ୍ଟା ମଧ୍ୟରେ ଦେଶରେ ୧୦ହଜାର ୩୮୬ଜଣ ସଂକ୍ରମିତ ବ୍ୟକ୍ତି ଆରୋଗ୍ୟଲାଭ କରିଛନ୍ତି।
ଏବେ ଦେଶରେ ୧ଲକ୍ଷ ୬୩ହଜାର ୨୪୮ ଜଣ ଏହି ଭୂତାଣୁରେ ସଂକ୍ରମିତ ହୋଇ ସକ୍ରିୟ ଚିକିତ୍ସାଧୀନ ରହିଛନ୍ତି। ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରାଳୟ କହିଛି ଗତ ୨୪ ଘଣ୍ଟା ମଧ୍ୟରେ ୧୩ ହଜାର ୫୮୬ ଜଣ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଫଳରେ ମୋଟ୍ ସଂକ୍ରମିତଙ୍କ ସଂଖ୍ୟା ୩ଲକ୍ଷ ୮୦ ହଜାର ୫୩୨ରେ ପହଞ୍ଚିଛି। ଦେଶରେ କରୋନା ସଂକ୍ରମଣ
ଆରମ୍ଭ ହେବା ପରଠାରୁ ଏହା ଦୈନିକ ସର୍ବାଧିକ ସଂକ୍ରମଣ ବୋଲି କୁହାଯାଇଛି। ତେବେ ଗୋଟିଏ ଦିନରେ ୩୩୬ ଜଣଙ୍କ ମୃତ୍ୟୁ ହେବା ପରେ ସାରା ଦେଶରେ କରୋନା ଜନିତ ମୃତ୍ୟୁସଂଖ୍ୟା ୧୨ ହଜାର ୫୭୩ରେ ପହଞ୍ଚିଛି। ମନ୍ତ୍ରାଳୟ କହିଛି, ଦେଶରେ କରୋନା ଜନିତ ମୃତ୍ୟୁହାର ଏବେ ୩.୩୦ ପ୍ରତିଶତ ରହିଛି।
ଭାରତୀୟ ଡାକ୍ତରୀ ଗବେଷଣା ପରିଷଦ ଆଇସିଏମ୍ଆର୍ କହିଛି ଏହି ସମୟ ମଧ୍ୟରେ ଦେଶର ବିଭିନ୍ନ ପରୀକ୍ଷାଗାରରେ ୧ଲକ୍ଷ ୭୬ହଜାର ୯୫୯ଟି ନମୂନା ପରୀକ୍ଷା କରାଯାଇଛି। କୌଣସି ଗୋଟିଏ ଦିନରେ ଏହା ହେଉଛି ସର୍ବାଧିକ ନମୂନା ପରୀକ୍ଷଣ। ଦେଶରେ ଏପର୍ଯ୍ୟନ୍ତ ୬୪ଲକ୍ଷ ୨୬ହଜାର ୬୨୭ଟି ନମୂନାର ପରୀକ୍ଷା କରାଯାଇ ସାରିଛି। ଆଇସିଏମ୍ଆର୍ କୋଭିଡ ନମୂନା ପରୀକ୍ଷା ପାଇଁ ପରୀକ୍ଷାଗାର ଗୁଡ଼ିକର ସଂଖ୍ୟା ବୃଦ୍ଧି କରିବା ପ୍ରକ୍ରିୟା ଜାରି ରଖିଛି। ଦେଶରେ ଏପର୍ଯ୍ୟନ୍ତ ୯୬୦ଟି ପରୀକ୍ଷାଗାରରେ ନମୂନା ପରୀକ୍ଷା କରାଯାଉଛି। ସେଗୁଡ଼ିକ ମଧ୍ୟରେ ୭୦୩ଟି ସରକାରୀ ପରୀକ୍ଷାଗାର ଓ ୨୫୭ଟି ବେସରକାରୀ ପରୀକ୍ଷାଗାର ରହିଛି।
ଦେଶରେ କରୋନା ଆରୋଗ୍ୟ ହାର ୫୩.୮୦%କୁ ବୃଦ୍ଧି
Popular Categories
Previous article
Next article