ପ୍ରେମିକାଙ୍କୁ ଗାଡିରେ ବସି ବୁଲାଇବା ପଡିଲା ମହଙ୍ଗା, ଗିରଫ କଲା ପୁଲିସ

ବେଙ୍ଗାଲୁରୁ : ବେଙ୍ଗାଲୁରୁର ଅନ୍ତର୍ଜାତୀୟ ବିମାନବନ୍ଦର ରାସ୍ତାରେ ଜଣେ ଯୁବକ ନିଜ ପ୍ରେମିକାଙ୍କୁ ବାଇକରେ ବସାଇ ବୁଲାଇବା ମହଙ୍ଗା ପଡିଛି । ନିଜ ପ୍ରେମିକାଙ୍କୁ ବାଇକର ସିଟ୍ ପଛରେ ନ ବସାଇ ସେ ପେଟ୍ରୋଲ ଟ୍ୟାଙ୍କ ଉପରେ ବସାଇ ବାଇକ୍ ଚଳାଉଥିଲେ । ଏହି ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେବା ପରେ ପୁଲିସ ସେହି ଯୁବକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ।

Hey thrill-seekers, the road isn’t a stage for stunts! Keep it safe for everyone, including yourselves. Let’s ride responsibly. 🛑🏍️#RideResponsibly pic.twitter.com/Cdg96cpdXx

— ಬೆಂಗಳೂರು ಸಂಚಾರ ಪೊಲೀಸ್ BengaluruTrafficPolice (@blrcitytraffic) May 19, 2024

ମେ ୧୭ରେ ଘଟିଥିଲା ଏହି ଘଟଣା । ସାମାଜିକ ଗଣମାଧ୍ୟମରେ ଏହି ଭିଡିଓ ସାମ୍ନାକୁ ଆସିବା ପରେ ପୁଲିସ ଏନେଇ ତନାଘନା କରିଥିଲା । ଏଥିରେ ଯୁବତୀ ଜଣକ ବିନା ହେଲମେଟରେ ଯୁବକଙ୍କ କୋଳରେ ବସି ଯାଉଥିଲେ ।   ଏକ୍ସ ପ୍ଲାଟଫର୍ମରେ ମଧ୍ୟ ବେଙ୍ଗାଲୁରୁ ଟ୍ରାଫିକ୍ ପୁଲିସ ଏହି ଭିଡିଓ ସେୟାର କରିଛି । ଟ୍ରାଫିକ୍ ପୁଲିସ ଏକ୍ସ ପ୍ଲାଟଫର୍ମରେ ଲେଖିଛି କି ରୋମାଞ୍ଚ ପାଇଁ ଏଭଳି କାର୍ଯ୍ୟ କରନ୍ତୁ ନାହିଁ । ରାସ୍ତାରେ ଗାଡି ଚଳାଇବା ସମୟରେ ସୁରକ୍ଷା ପ୍ରତି ଧ୍ୟାନ ଦିଅନ୍ତୁ । ତେବେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ସେହି ଯୁବକଙ୍କୁ ଗିରଫ କରିଛି ପୁଲିସ୍ ।

ଏହି କାରର ବହୁତ ଚାହିଦା, ବାଧ୍ୟ ହୋଇ ବୁକିଂ ବନ୍ଦ କଲା କମ୍ପାନୀ