ନୂଆଦିଲ୍ଲୀ : ରିଲାଏନ୍ସ ଜିଓ, ଏୟାରଟେଲ ଏବଂ ଭୋଡାଫୋନ୍ ପରି ଟେଲିକମ୍ କମ୍ପାନୀଗୁଡିକ ଲକଡ଼ାଉନ୍ ଯୋଗୁଁ ଅସୁବିଧାର ସମ୍ମୁଖୀନ ହୋଇଛନ୍ତି। ଗତ ୧୧ ଦିନ ମଧ୍ୟରେ ମୋବାଇଲ୍ ରିଚାର୍ଜ ୩୫ ପ୍ରତିଶତ ହ୍ରାସ ପାଇଛି। ଅନ୍ୟପକ୍ଷରେ, ଏକ ଗଣମାଧ୍ୟମ ରିପୋର୍ଟରେ ଦର୍ଶାଯାଇଛି ଯେ, ପ୍ରାୟ ଅଧିକାଂଶ ଶ୍ରମିକ ଶ୍ରେଣୀର ଲୋକ ଅଛନ୍ତି, ଯେଉଁମାନେ ଲକଡ଼ାଉନ୍ ଯୋଗୁ ବେରୋଜଗାର ହେତୁ ମୋବାଇଲ୍ ନମ୍ବର ରିଚାର୍ଜ କରିବାକୁ ଅସମର୍ଥ।
ଟେଲିକମ୍ ବିଶେଷଜ୍ଞଙ୍କ କହିବା ଅନୁଯାୟୀ, ମୋବାଇଲ୍ ଷ୍ଟୋର୍ କିମ୍ବା ନିକଟତମ ଷ୍ଟୋର୍କୁ ଯାଇ ଉପଭୋକ୍ତାମାନେ ଫୋନ୍ ରିଚାର୍ଜ କରିବାରେ ଅସମର୍ଥ ଥିବାରୁ ଅଫଲାଇନ୍ ରିଚାର୍ଜ ଶୂନକୁ ହ୍ରାସ ପାଇଛି। ଏହା ସହିତ କମ୍ପାନୀର ନୂତନ ୟୁଜର୍ ବେସ୍ ମଧ୍ୟ ହ୍ରାସ ପାଇଛି। ଅନ୍ୟ ପଟେ, ଯଦି ଏପ୍ରିଲ୍ ୧୪ରୁ ଲକଡ଼ାଉନ୍ ଆଗକୁ ବଢେ ତେବେ ଏହା କମ୍ପାନୀଗୁଡିକ ପାଇଁ ଅନେକ କ୍ଷତି ଘଟାଇପାରେ ବୋଲି ପୂର୍ବାନୁମାନ କରାଯାଉଛି।
ଭୋଡାଫୋନ୍-ଆଇଡିଆର ସ୍ୱତନ୍ତ୍ର ସେବା
ଟେଲିକମ୍ କମ୍ପାନୀ ଭୋଡାଫୋନ୍-ଆଇଡିଆ ଗ୍ରାହକଙ୍କ ପାଇଁ ଏକ ସ୍ୱତନ୍ତ୍ର ସେବା ଆରମ୍ଭ କରିଛି। ଏହି ସେବା ଅଧିନରେ ଭୋଡାଫୋନ୍-ଆଇଡିଆ ଗ୍ରାହକମାନେ ମୋବାଇଲ୍ ନମ୍ବର ଏଟିଏମରୁ ରିଚାର୍ଜ କରିବାକୁ ସକ୍ଷମ ହେବେ। ଏହି ସେବା ପାଇଁ କମ୍ପାନୀ ଏଚଡିଏଫସି ବ୍ୟାଙ୍କ, ଆଇସିଆଇସିଆଇ ବ୍ୟାଙ୍କ, ଆକ୍ସିସ୍ ବ୍ୟାଙ୍କ, ସିଟିବ୍ୟାଙ୍କ, ଡିସିବି ବ୍ୟାଙ୍କ, ଆଇଡିବିଆଇ ବ୍ୟାଙ୍କ ଏବଂ ଷ୍ଟାଣ୍ଡାର୍ଡ ଚାର୍ଟାର୍ଡ ବ୍ୟାଙ୍କ ସହିତ ସହଭାଗୀ ହୋଇଛି।
ଏୟାରଟେଲ ବ୍ୟବହାରକାରୀମାନେ ଏଟିଏମରୁ ରିଚାର୍ଜ କରିପାରିବେ
ଟେଲିକମ୍ କମ୍ପାନୀ ଏୟାରଟେଲ ଏହାର ଗ୍ରାହକଙ୍କ ପାଇଁ ଏକ ସ୍ୱତନ୍ତ୍ର ସେବା ଆରମ୍ଭ କରିଛି। ଏହି ସେବା ଅଧୀନରେ, ବର୍ତ୍ତମାନ ଉପଭୋକ୍ତାମାନେ ନିକଟସ୍ଥ ଏଟିଏମ୍, ଗ୍ରୋସରୀ ଏବଂ ଫାର୍ମାସି ଷ୍ଟୋରରୁ ସେମାନଙ୍କ ନମ୍ବର ରିଚାର୍ଜ କରିବାକୁ ସକ୍ଷମ ହେବେ। ଏଥି ସହିତ କମ୍ପାନୀର ସିଇଓ ଗୋପାଳ ଭିଟାଲ କହିଛନ୍ତି ଯେ, ଲକଡାଉନ୍ ସମୟରେ ଆମର ଉପଭୋକ୍ତାମାନେ ମୋବାଇଲ୍ ନମ୍ବର ଏଟିଏମ୍, ଗ୍ରୋସରୀ ଏବଂ ଫାର୍ମାସି ଷ୍ଟୋରରୁ ରିଚାର୍ଜ କରିବାକୁ ସକ୍ଷମ ହେବେ। ଏହି ସେବା ପାଇଁ ଆମେ ଏଚଡ଼ିଏଫସି, ବିଗ୍ ବଜାର ଏବଂ ଆପୋଲୋ ସହିତ ସହଭାଗୀତା କରିଛୁ। ସେ ଆହୁରି ମଧ୍ୟ କହିଛନ୍ତି ଯେ, ଆମେ ସଚେତନ ଯେ ଆମର ଅଧିକାଂଶ ଉପଭୋକ୍ତା ଅନଲାଇନ୍ ରିଚାର୍ଜ କରିବାକୁ ଅସମର୍ଥ, ସେଥିପାଇଁ ଆମେ ଏହି ସେବା ଆରମ୍ଭ କରିଛୁ।
ଟେଲିକମ୍ କମ୍ପାନୀଗୁଡିକୁ ବଡ଼ ଝଟକା : ମୋବାଇଲ୍ ରିଚାର୍ଜ ୩୫ ପ୍ରତିଶତ ହ୍ରାସ
Popular Categories
Previous article
Next article