– ସମ୍ପୂର୍ଣ୍ଣ ଲକଡାଉନ କାରଣରୁ ଲୋକେ ଘରେ ବସିବସି ବିରକ୍ତ ନ ହେବା ନିମନ୍ତେ ଟେଲିଫୋନ ବା ସାମାଜିକ ଗଣମାଧ୍ୟମ ଯୋଗେ ନିଜ ସମ୍ପର୍କୀୟଙ୍କ ସହିତ ଯୋଗାଯୋଗ କରନ୍ତୁ।
– ସ୍ବାସ୍ଥ୍ୟକର ଆହାର ରାନ୍ଧି ଖାଆନ୍ତୁ। ଉତ୍ତମ ନିଦ୍ରା ଯାଆନ୍ତୁ। ଉପଯୁକ୍ତ ସମୟରେ ବ୍ୟାୟାମ ଓ ଧ୍ୟାନ କରନ୍ତୁ। ଟେଲିଭିଜନ ଦେଖନ୍ତୁ ଓ ଗୀତ ଶୁଣନ୍ତୁ।
– ନିଜର ମନ ପରିବର୍ତ୍ତନ କରିବା ଲାଗି ଧୂମପାନ, ନିଶାସେବନ ଭଳି କାର୍ଯ୍ୟ କରନ୍ତୁ ନାହିଁ।
– ପରିସ୍ଥିତିକୁ ନେଇ ଭୟଭୀତ ହୁଅନ୍ତୁ ନାହିଁ। ଅସୁସ୍ଥ ଲାଗିଲେ ଟେଲିଫୋନ ଯୋଗେ ସ୍ବାସ୍ଥ୍ୟ ବିଶେଷଜ୍ଞଙ୍କ ପରାମର୍ଶ ନିଅନ୍ତୁ।
– ସଂକ୍ରମଣରୁ ସୁରକ୍ଷା ନିମନ୍ତେ ଆବଶ୍ୟକ ପ୍ରତିଷେଧକ ସମ୍ବନ୍ଧରେ ସଚେତନ ହୁଅନ୍ତୁ।
– ଚିତ୍ର ଅଙ୍କିବା ଅଥବା କିଛି କଳାକୃତି ପ୍ରସ୍ତୁତ କରିବା ଭଳି କୌଣସି ବିଶେଷ ଦକ୍ଷତା ଥିଲେ ସମୟ ବିତାଇବା ଲାଗି ତାହାର ସଠିକ ଉପଯୋଗ କରନ୍ତୁ।
– ବିଶେଷକରି ଘରୁ ବାହାରକୁ ଯାଇ ପାରୁ ନ ଥିବାରୁ ପିଲାମାନେ ବେଶୀ ବିରକ୍ତିଭାବ ପ୍ରକାଶ କରିପାରନ୍ତି। ଏମିତିରେ ସେମାନଙ୍କ ମନୋଭାବକୁ ବୁଝି ସେ କ’ଣ କହୁଛନ୍ତି ତାହା ଧ୍ୟାନ ପୂର୍ବକ ଶୁଣନ୍ତୁ। ତାଙ୍କ ସହିତ ଅଧିକ ସମୟ ଅତିବାହିତ କରନ୍ତୁ।
– ଏହି ସମୟରେ ଶିଶୁମାନେ ଯେଭଳି ଦୁଷ୍ଟ ନ ହୋଇ ଗୋଟିଏ ସ୍ଥାନରେ ସ୍ଥିର ହୋଇ ବସିବେ ସେଥିନେଇ ସେମାନଙ୍କ ହାତରେ ମୋବାଇଲ ଫୋନ ଧରାଇବାର ଭୁଲ କରନ୍ତୁ ନାହିଁ। ବରଂ ସେମାନଙ୍କ ସହିତ ଅଧିକ ସମୟ ଅତିବାହିତ କରନ୍ତୁ।
– ପୂର୍ବବତ ନିର୍ଦିଷ୍ଟ କାର୍ଯ୍ୟସୂଚୀ ଅନୁସାରେ ପିଲାମାନଙ୍କର ଖାଇବା, ପିଇବା, ଶୋଇବା, ଖେଳିବା ଓ ପାଠପଢା କାମ କରନ୍ତୁ।
– ସେମାନଙ୍କୁ ପରିସ୍ଥିତି ସମ୍ବନ୍ଧରେ ଓ ତାହାର ନିରାକରଣ ବିଷୟରେ କିଛିକିଛି ସୂଚନା ଦିଅନ୍ତୁ।
Comments are closed.