ଖୁସି ଖବର : ଓଡ଼ିଶାରେ ସୁସ୍ଥ ହେଲେ ୧୦ କରୋନା ରୋଗୀ

ଭୁବନେଶ୍ବର : ରାଜ୍ୟବାସୀଙ୍କ ପାଇଁ ଶୁକ୍ରବାର ରାତିରେ ଏକ ଖୁସି ଖବର ଆସିଛି । କରୋନା ଆକ୍ରାନ୍ତ ହୋଇ ଚିକିତ୍ସା ଲାଗି  ହସ୍ପିଟାଲରେ ଭର୍ତ୍ତି ହୋଇଥିବା ୧୦ ଜଣ ବ୍ୟକ୍ତି ସୁସ୍ଥ ହୋଇଛନ୍ତି। ସଂପୃକ୍ତ ବ୍ୟକ୍ତିମାନଙ୍କର ରକ୍ତ ନମୁନା ଆଜି ନେଗେଟିଭ ଆସିଛି । ସୁସ୍ଥ ହୋଇଥିବା ବ୍ୟକ୍ତିମାନଙ୍କ ମଧ୍ୟରେ ଭୁବନେଶ୍ୱରରୁ ୫, ଭଦ୍ରକରୁ ୨ ଓ କଟକ, ପୁରୀ ଏବଂ ଯାଜପୁରରୁ ଜଣେ ଲେଖାଏଁ ସୁସ୍ଥ ହୋଇଥିବା ରାଜ୍ୟ ସରକାରଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ବିଟ୍ କରି ସୂଚନା ଦିଆଯାଇଛି।

ଏହା ପୂର୍ବରୁ ଭୁବନେଶ୍ବରର ଦୁଇ ଜଣ ସୁସ୍ଥ ହୋଇ ଘରକୁ ଫେରିଥିଲେ।

Very happy to share that another 10 COVID patients have RECOVERED and tested negative for COVID-19.

5 are of Bhubaneswar, two of Bhadrak and one each of Cuttack, Jajpur and Puri. Congratulations to the doctors and others who treated them.

— H & FW Dept Odisha (@HFWOdisha) April 10, 2020