ରେଙ୍ଗାଲି : ସମ୍ବଲପୁର ଜିଲ୍ଲା ରେଙ୍ଗାଲି ବ୍ଳକ୍ ର ଠେଲକୁଲିରେ ୫ଜଣ ଏବଂ ଗୁମଲୋଇ ଗ୍ରାମ ରେ ଦୁଇ ଜଣ କରୋନା ପଜିଟିଭ୍ ଚିହ୍ନଟ ହୋଇଥିବା ସ୍ୱାସ୍ଥ୍ୟ ବିଭାଗ ସୁତ୍ରୁ ରୁ ଜଣାପଡିଛି । ପଜିଟିଭ୍ ଚିହ୍ନଟ ହୋଇଥିବା ୭ ଜଣ ଆକ୍ରାନ୍ତଙ୍କୁ ଆଜି ବୁର୍ଲା କୋଭିଡ୍ ହସ୍ପିଟାଲ୍ କୁ ପଠାଇ ଦିଆଯାଇଛି । ୫ଜଣ ପଜିଟିଭ୍ ଚିହ୍ନଟ ହୋଇଥିବା ଠେଲକୁଲି ବ୍ରାହ୍ମଣପଡା କୁ ପ୍ରଶାସନ ପକ୍ଷରୁ ସିଲ୍ କରି ଦିଆଯାଇଛି । ବିଗତ ଦିନ ରେ ଠେଲକୁଲି ଗ୍ରାମ ରେ ଝାରସୁଗୁଡା ବେହେରାମାଲ ର କରୋନା ପଜିଟିଭ୍ ଲିଙ୍କ୍ ଥିବା ୧୪ ଜଣଙ୍କୁ ହୋମ୍ କ୍ୱାରେଣ୍ଟାଇନ୍ ରେ ରଖାଯାଇଥିଲା । ସ୍ୱାବ୍ ଟେଷ୍ଟ୍ ପରେ ସେଥିମଧ୍ୟ ରୁ ୫ଜଣ ଙ୍କ କରୋନା ପଜିଟିଭ୍ ରିପୋର୍ଟ ଆସି ଥିବାର ପ୍ରକାଶ । ପଜିଟିଭ୍ ଚିହ୍ନଟ ହୋଇଥିବା ୫ଜଣ ଙ୍କ କଣ୍ଟ୍ରାକ୍ଟ ଟ୍ରେସିଂ କରାଯାଇ ସେମାନଙ୍କ ସିଧା ସଂସ୍ପର୍ଶ ରେ ଆସିଥିବା ୧୩ ଜଣ ଙ୍କୁ ହୋମ୍ କ୍ବାରେଣ୍ଟାଇନ୍ ରେ ରହିବାକୁ ନିର୍ଦ୍ଦେଶ ଦିଆଯାଇଛି ।
ଅପରପକ୍ଷରେ ଝାଙ୍କରପାଲି ପଞ୍ଚାୟତର ଗୁମଲୋଇ ଗ୍ରାମରେ ଦୁଇ ଜଣଙ୍କ କରୋନା ପଜିଟିଭ୍ ବାହାରିବା ସ୍ୱାସ୍ଥ୍ୟ ବିଭାଗ ଏବଂ ପ୍ରଶାସନର ଚିନ୍ତା ବଢାଇ ଦେଇଛି । ଗୁମଲୋଇ ଗ୍ରାମରେ ସେଭଲି କୌଣସି ସମ୍ଭାବନା ନଥିବା ସତ୍ତ୍ୱେ ଦୁଇ ଜଣଙ୍କ ପଜିଟିଭ୍ ରିପୋର୍ଟ କିପରି ଆସିଲା ଏନେଇ ପଜିଟିଭ୍ ଚିହ୍ନଟ ହୋଇଥିବା ବ୍ୟକ୍ତିଙ୍କ ଟ୍ରାଭେଲ୍ ବିବରଣୀ ଏବଂ କଣ୍ଟ୍ରାକ୍ଟ ଟ୍ରେସିଂ ନେଇ ତନାଘନା ଆରମ୍ଭ ହୋଇଛି । ଗୁମଲୋଇ ପାଖ ରେ ଥିବା କ୍ରସର ୟୁନିଟ୍ ରେ ବାହାର ଅଞ୍ଚଳର ଲୋକ ଆସି କାମ କରୁଥିବାରୁ ହୁଏତ ସେମାନଙ୍କ ସଂସ୍ପର୍ଶରେ ଆସି ଥିବାରୁ ଏପରି ହୋଇଥାଇ ପାରେ ବୋଲି ସନ୍ଦେହ କରାଯାଉଛି । ଅନ୍ୟପକ୍ଷେ ଝାରସୁଗୁଡା ବେହେରାମାଲ ର କରୋନା ପଜିଟିଭ୍ ଲିଙ୍କ୍ ଥିବା ଠେଲକୁଲି ର କିଛି ବ୍ୟକ୍ତି ହୋମ୍ କ୍ୱାରେଣ୍ଟାଇନ୍ କୁ ଠିକ୍ ଭାବରେ ପାଳନ ନକରି ବିଭିନ୍ନ ସ୍ଥାନକୁ ଯାଇ ବୁଲାବୁଲି କରିଥିବାରୁ ଆଗାମୀ ଦିନ ରେ ପଜିଟିଭ୍ ସଂଖ୍ୟା ବୃଦ୍ଧି ପାଇବାର ଆଶଙ୍କା ରହିଛି । ଏଣୁ ସୁରକ୍ଷା ଦୃଷ୍ଟିକୋଣ ରୁ ସ୍ୱାସ୍ଥ୍ୟ ବିଭାଗ ଏବଂ ବ୍ଳକ୍ ପ୍ରଶାସନ ପକ୍ଷରୁ ଠେଲକୁଲି କଣ୍ଟାନ୍ମେଣ୍ଟ୍ ଜୋନ୍ ଘୋଷଣା କରିବାକୁ ଜିଲ୍ଲାପାଳ ଙ୍କୁ ଅନୁରୋଧ ପତ୍ର ପଠାଯାଇଛି । ବ୍ଳକ୍ ରେ ୭ଜଣ କରୋନା ପଜିଟିଭ୍ ଚିହ୍ନଟ ହେବା ଜଣା ପଡିବା ପରେ ସ୍ୱାସ୍ଥ୍ୟ ବିଭାଗ ର ସର୍ଭିଲାନ୍ସ ଟିମ୍ ଠେଲକୁଲି ଏବଂ ଗୁମଲୋଇ କୁ ପହଞ୍ଚି କଣ୍ଟ୍ରାକ୍ଟ ଟ୍ରେସିଂ କାମ ଆରମ୍ଭ କରିଥିବାର ଜଣାପଡିଛି ।
