ଶିଶୁଙ୍କ କୋଭିଡ୍ ଟିକାର ଦାମ୍ ମାତ୍ର ୧୪୫ ଟଙ୍କା- ୫ରୁ ୧୨ ବର୍ଷ ବୟସ୍କ ଶିଶୁଙ୍କୁ ଜରୁରୀ କାଳୀନ ଭାବେ କୋର୍ବେଭାକ୍ସ ଟିକା ଦେବାକୁ ଅନୁମତି ମାଗିଲା ବାୟୋଲଜିକାଲ୍-ଇ
ନୂଆଦିଲ୍ଲୀ – ହାଇଦ୍ରାବାଦସ୍ଥିତ ସ୍ୱଦେଶୀ ଟିକା ନିର୍ମାଣକାରୀ କମ୍ପାନୀ ବାୟୋଲଜିକାଲ ଇ ଶିଶୁମାନଙ୍କୁ ଏହା ଦ୍ୱାରା ନିର୍ମିତ ଟିକା କୋର୍ବଭାକ୍ସକୁ ଜରୁରୀକାଳୀନ ଭାବେ ଦେବା ପାଇଁ ଅନୁମତି ମାଗିଛି । ଏଥିପାଇଁ ଆବଶ୍ୟକୀୟ ତଥ୍ୟ କମ୍ପାନୀ ପକ୍ଷରୁ ଡିଜିସିଏଙ୍କ ନିକଟରେ ଦାଖଲ କରାଯାଇଛି ।
କୋର୍ବେଭାକ୍ସ ଟିକାକୁ ୧୨ରୁ୧୮ ବର୍ଷର ପିଲାଙ୍କୁ ଦେବା ପାଇଁ ଅନୁମତି ଦିଆଯାଇଛି । ଏହାର ସଫଳ ମାନବୀୟ ପରୀକ୍ଷଣ ପରେ କିଶୋର ବର୍ଗ ବୟସ୍କଙ୍କୁ ଏହି ଟିକା ଦେବା ପାଇଁ ଅନୁମତି ଦିଆଯାଇଥିଲା । ଏବେ ଶିଶୁମାନଙ୍କୁ ଏହି ଟିକା ଦେବା ପାଇଁ କମ୍ପାନୀ ଅନୁମତି ମାଗିଛି ।
ଏହି ଟିକାର ଦାମ ମାତ୍ର ୧୪୫ ଟଙ୍କା । ବିଭିନ୍ନ କର ପୂର୍ବରୁ ଏହାକୁ କମ୍ପାନୀ ୧୪୫ ଟଙ୍କାରେ ଉପଲପବ୍ଧ କରାଉଛି । ଗତ ବର୍ଷ ସେପ୍ଟେମ୍ବର ମାସରେ ଏହାର ଦ୍ୱିତୀୟ ଏବଂ ତୃତୀୟ ପର୍ଯ୍ୟାୟ ମାନବୀୟ ପରୀକ୍ଷଣ କରାଯାଇଥିଲା। ଦେଶରେ ତୃତୀୟ ଲହର ପରେ କରୋନା ସଂକ୍ରମଣ ହ୍ରାସ ପାଇଛି । ଦେଶରେ ପ୍ରାୟ ୧୮୦ କୋଟି ଟିକା ପ୍ରଥମ ଏବଂ ଦ୍ୱିତୀୟ ଡୋଜ୍କୁ ମିଶାଇ ଦିଆଯାଇ ସରିଛି ।
Comments are closed.