ମୁମ୍ବଇ: ବଲିଉଡ଼ ଅଭିନେତା ସିଦ୍ଧାର୍ଥ ମାଲହୋତ୍ରା ଓ ଦକ୍ଷିଣ ଭାରତୀୟ ଅଭିନେତ୍ରୀ ରଶ୍ମିକା ମଣ୍ଡାନା ଅଭିନୀତ ଆଗାମୀ ଚଳଚ୍ଚିତ୍ର ‘ମିଶନ ମଜନୁ’ର ମୁକ୍ତିଲାଭ ତାରିଖ ଘୋଷଣା କରାଯାଇଛି। ରନୀ ସ୍କୃଭାଲାଙ୍କ ଆରଏସଭିପି ଓ ଗିଲ୍ଟି ବାୟ ଆସୋସିଏସନ୍ର ମିଳିତ ସହଯୋଗରେ ନିର୍ମିତ ଏହି ଚଳଚ୍ଚିତ୍ର ଚଳିତ ବର୍ଷ ଜୁନ୍ ୧୦ ତାରିଖରେ ପ୍ରେକ୍ଷାଳୟକୁ ଆସିବ। ଟ୍ରେଡ଼ ଆନାଲିଷ୍ଟ ତରଣ ଆଦର୍ଶ ସାମାଜିକ ଗଣମାଧ୍ୟମରେ ରିଲିଜ୍ ତାରିଖ ସହ ସିଦ୍ଧାର୍ଥଙ୍କ ଲୁକ୍ ପୋଷ୍ଟର ମଧ୍ୟ ଶେୟାର କରିଛନ୍ତି। ପୋଷ୍ଟରରେ ସିଦ୍ଧାର୍ଥଙ୍କ ଆକ୍ସନ ଅବତାର ଦେଖିବାକୁ ମିଳିଛି। ସେ ହାତରେ ବନ୍ଧୁକ ଧରି ଆକ୍ସନ ମୋଡ଼୍ରେ ନଜର ଆସିଛନ୍ତି। ତାଙ୍କର ଏହି ଲୁକ୍କୁ ଲୋକେ ଖୁବ୍ ପସନ୍ଦ କରିଛନ୍ତି।
SIDHARTH MALHOTRA: 'MISSION MAJNU' NEW RELEASE DATE… #MissionMajnu – starring #SidharthMalhotra and #RashmikaMandanna – to release in *cinemas* on 10 June 2022… Directed by #ShantanuBagchi… Produced by #RonnieScrewvala, #AmarButala and #GarimaMehta… #NewPoster… pic.twitter.com/bdg4NU0rd6
— taran adarsh (@taran_adarsh) March 9, 2022
ଶାନ୍ତନୁ ବାଗ୍ଚୀଙ୍କ ଦ୍ବାରା ନିର୍ଦେଶିତ ‘ମିଶନ ମଜନୁ’ର କାହାଣୀ ୭୦ ଦଶକର ଏକ ଗୁପ୍ତଚର ଥ୍ରୀଲର ଉପରେ ଆଧାରିତ। ଏଥିରେ ସିଦ୍ଧାର୍ଥ ଜଣେ ‘ର’ ଏଜେଣ୍ଟ ଭୂମିକାରେ ଅଭିନୟ କରିଛନ୍ତି, ଯିଏକି ପାକିସ୍ତାନରେ ଏକ ଗୁପ୍ତ ଅପରେସନର ନେତୃତ୍ବ ନେଇଛନ୍ତି। ଏହା ରଶ୍ମିକା ମଣ୍ଡାନାଙ୍କ ପ୍ରଥମ ବଲିଉଡ଼୍ ଫିଲ୍ମ।
