ଦେଶରେ ଲଗାତାର ବୃଦ୍ଧି ଦୈନିକ ସଂକ୍ରମଣ ; ନୂଆ ଆକ୍ରାନ୍ତ ୧୨,୫୯୧
![](https://samajalive.in/wp-content/uploads/2022/04/covid-corona-700x430.jpg)
ନୂଆଦିଲ୍ଲୀ : ଦେଶରେ ଲଗାତାର କରୋନାର ଦୈନିକ ସଂକ୍ରମଣ ବୃଦ୍ଧି ପାଉଛି। ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ମିଳିଥିବା ସୂଚନାନୁଯାୟୀ ଦେଶରେ ୨୪ ଘଣ୍ଟାରେ ୧୨,୫୯୧ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଗତ ୮ ମାସ ମଧ୍ୟରେ ଏହା ସବୁଠାରୁ ଅଧିକ ମାମଲା। ଏବେ ସୁଦ୍ଧା ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୬୫ ହଜାର ଅତିକ୍ରମ କରି ସାରିଛି। ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୬୫,୨୮୬କୁ ବୃଦ୍ଧି ପାଇଛି। ଦୈନିକ ସଂକ୍ରମଣ ହାର ୫.୪୬ ପ୍ରତିଶତ, ସପ୍ତାହିକ ସଂକ୍ରମଣ ହାର ୫.୩୨ ପ୍ରତିଶତ, ସକ୍ରିୟ ଆକ୍ରାନ୍ତ ହାର ୦.୧୫%, ଆରୋଗ୍ୟ ହାର ୯୮.୬୭ ପ୍ରତିଶତ ରହିଛି। ଗତ ୨୪ ଘଣ୍ଟାରେ ୪୦ ଜଣଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିବା ବେଳେ ମୃତ୍ୟୁ ସଂଖ୍ୟା ବୃଦ୍ଧି ପାଇ ୫ ଲକ୍ଷ ୩୧ ହଜାର ୨୩୦ରେ ପହଞ୍ଚିଛି। ମୋଟ ଆକ୍ରାନ୍ତଙ୍କ ସଂଖ୍ୟା ୪ କୋଟି ୪୮ ଲକ୍ଷ ହୋଇ ସାରିଥିବା ବେଳେ ୪ କୋଟି ୪୨ ଲକ୍ଷ ୬୧ ହଜାର ୪୭୬ ସୁସ୍ଥ ହୋଇ ଘରକୁ ଫେରିଛନ୍ତି।
Comments are closed.