ଚକୁଳି ପିଠା ବା ଦୋସା ପ୍ରସ୍ତୁତ କରିବା ପାଇଁ ରଖିଥିବା ଆଣ ବା ପିଠଉ ଖଟା, ଆମ୍ବିଳା ହୋଇ ଯାଇଥିଲେ ସେଥିରେ ନଡିଆକୁ ପେଷି ପକାଇ ଦିଅନ୍ତୁ। ତାହା ଆଉ ଖଟା ଲାଗିବ ନାହିଁ।
ଲଙ୍କା ରଖୁଥିବା ଡବାରେ ହେଙ୍ଗୁ ପକାଇ ରଖନ୍ତୁ। ଏପରି କରିବା ଦ୍ବାରା ଲଙ୍କା ଅଧିକ ଦିନ ସତେଜ ଓ ସାଇତି ହୋଇ ରହିଥାଏ।
ଆଳୁ ଗରମ ପାଣିରେ ସିଝି ଯିବା ପରେ ତାହାକୁ ସଙ୍ଗେ ସଙ୍ଗେ ଥଣ୍ଡା ପାଣିରେ ରଖି ଦିଅନ୍ତୁ। ଏପରି କରିବା ଦ୍ବାରା ଆଳୁରୁ ଚୋପା ଭଲ ଭାବେ ଛାଡିବ।
ଅଧିକ ପାଚି ଯାଇଥିବା ସେଓରେ ଲେମ୍ବୁ ରସ ଲଗାଇ ରଖନ୍ତୁ। ଏପରି କରିବା ଦ୍ବାରା ସେଓରେ ଆଉ କଳା ଦାଗ ପଡିବ ନାହିଁ।
ଲେମ୍ବୁ କାଟିବା ପୂର୍ବରୁ ତାହାକୁ ଉଷୁମ ପାଣିରେ ପକାଇ ରଖନ୍ତୁ। ଏପରି କରିବା ଦ୍ବାରା ଲେମ୍ବୁ କାଟିଲେ ଅଧିକ ରସ ବାହାରିବ।
ଚିନି ରଖି ଥିବା ଡବାରେ ୬-୭ଟି ଲବଙ୍ଗ ରଖିବା ଦ୍ବାରା ସେଥିରେ ଆଉ ପିମ୍ପୁଡି ଲାଗିବ ନାହିଁ।
ଭାତ ପ୍ରସ୍ତୁତ କରି ତାର ପେଜରେ ଲେମ୍ବୁ ରସ ମିଶାଇ କେଶରେ ଲଗାନ୍ତୁ। ଅଧ ଘଣ୍ଟା ପରେ କେଶକୁ ଭଲ ଭାବେ ଧୋଇ ଦିଅନ୍ତ। ଏପରି କରିବା ଦ୍ବାରା କେଶ କୋମଳ ହେବା ଦ୍ବାରା ଚମକ ବୃଦ୍ଧି ପାଇଥାଏ।
