ସମ୍ବଲପୁର: ସମ୍ବଲପୁରର ଉପକଣ୍ଠ ମାନେଶ୍ୱର ନିକଟରେ ଏକ ସଡକ ଦୁର୍ଘଟଣାରେ ୩ ସ୍କୁଲ ଛାତ୍ରୀଙ୍କ ସହି ଜଣେ ଅଟୋ ଚାଳକ ଆହତ ହୋଇଛନ୍ତି। ସୂଚନାନୁଯାୟୀ, ଶନିବାର ସକାଳେ ୩ ଜଣ ଛାତ୍ରୀ ଏକ ଅଟୋରେ ଝାଙ୍କରପାଲିରୁ ସମ୍ବଲପୁର ସହରରେ ଥିବା ଏକ ସ୍କୁଲକୁ ପାଠ ପଢ଼ିବାକୁ ଆସୁଥିଲେ । ସେହି ସମୟରେ ମାନେଶ୍ୱର ନିକଟରେ ଏକ କଣ୍ଟେନର ସମ୍ବଲପୁର ପଟରୁ ଯାଉଥିବା ବେଳେ ଅଚାନକ ଗାଡିର ଟାୟାର ଫାଟି ଯିବାରୁ ଭାରସାମ୍ୟ ହରାଇ ଉକ୍ତ ଅଟୋକୁ ଧକ୍କା ଦେଇଥିଲା । ଫଳରେ ଅଟୋଟି ଛିଟିକି ଯାଇ ରାସ୍ତା କଡରେ ଓଲଟି ପଡିଥିଲା । ଏଣୁ ଅଟୋ ଚାଳକ ବାସୁଦେବଙ୍କ ସମେତ ବସିଥିବା ୩ ଜଣ ଛାତ୍ରୀ ଆହତ ହୋଇଥିଲେ । ତୁରନ୍ତ ସେମାନଙ୍କୁ ଉଦ୍ଧାର କରାଯାଇ ଜିଲା ମୁଖ୍ୟ ଚିକିତ୍ସାଳୟକୁ ଅଣାଯାଇଥିବା ବେଳେ ଜଣେ ଛାତ୍ରୀଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ତୁରନ୍ତ ବୁର୍ଲା ଭିମସାରକୁ ସ୍ଥାନାନ୍ତରିତ କରାଯାଇ ଚିକିତ୍ସା କରାଯାଉଛି । ଅପରପକ୍ଷରେ ଖବର ପାଇ ସଦର ପୁଲିସ ଘଟଣାସ୍ଥଳରେ ପହଞ୍ଚି ଅଟୋ ଓ କଣ୍ଟେନରକୁ ଜବତ କରିବା ସହିତ କଣ୍ଟେନର ଚାଳକଙ୍କୁ ଅଟକ ରଖିଛି।
Popular Categories
Previous article
Next article