ପେଟ ସମସ୍ୟା କଥା ଆସିଲେ ଅଧିକତଃ ବ୍ୟକ୍ତିଙ୍କର କୋଷ୍ଠ କାଠିନ୍ୟ ସମସ୍ୟା ଦେଖା ଦେଇଥାଏ। ଏହି ସମସ୍ୟା ପେଟକୁ ସମ୍ପୂର୍ଣ୍ଣ ରୂପେ ସଫା କରି ନଥାଏ। ଯାହାଦ୍ବାରା ଆପଣଙ୍କୁ ବାରମ୍ବାର ଅସ୍ତବ୍ୟସ୍ତ ଲାଗେ। କୋଷ୍ଠକାଠିନ୍ୟ ଅନେକ କାରଣରୁ ହୋଇଥାଏ। ସଠିକ ଖାଦ୍ୟପେୟ ନ ଖାଇବା ଦ୍ବାରା ଏପରି ସମସ୍ୟା ଦେଖା ଦେଇଥାଏ। ତେଣୁ ସର୍ବଦା ଡାଏଟ ଅନୁଯାୟୀ ଭୋଜନ କରନ୍ତୁ।
ଡାଏଟରେ ଫାଇବର ଯୁକ୍ତ ଖାଦ୍ୟ :
ଫାଇବର ଯୁକ୍ତ ଖାଦ୍ୟ ଶରୀର ପାଇଁ ଲାଭଦାୟକ ଅଟେ। ଏହା ଦ୍ବାରା କୋଷ୍ଠକାଠିନ୍ୟ ସମସ୍ୟା ଦୂର ହୋଇଥାଏ। ଫାଇବର ଯୁକ୍ତ ଖାଦ୍ୟ ଖାଇବା ଦ୍ବାରା ଅଧିକ ଭୋକ ଲାଗିନଥାଏ।
ସକାଳେ ଲେମ୍ବୁ ଓ ଗରମ ପାଣି ପିଅନ୍ତୁ :
ପ୍ରତିଦିନ ସକାଳେ ଗରମ ପାଣିରେ ଲେମ୍ବୁ ଚିପୁଡି ପିଇବା ଉଚିତ। ଏପରି କରିବା ଦ୍ବାର କୋଷ୍ଠକାଠିନ୍ୟ ସମସ୍ୟା ଦୂର ହୋଇଥାଏ। ଏହାସହ ପେଟରୁ ଚର୍ବି ମଧ୍ୟ କମାଇଥାଏ।
ପର୍ଯ୍ୟାପ୍ତ ମାତ୍ରାରେ ପାଣି :
ପର୍ଯ୍ୟାପ୍ତ ମାତ୍ରାରେ ପାଣି ପିଇବା ଦ୍ବାରା ପାଚନ ତନ୍ତ୍ର ସୁସ୍ଥ ରହିଥାଏ। ତେଣୁ ଶରୀରରେ ଜଳୀୟ ଅଂଶର ଅଭାବ ଦୂର କରିବା ପାଇଁ ପର୍ଯ୍ୟାପ୍ତ ପରିମାଣରେ ପାଣି ପିଇବା ଆବଶ୍ୟକ।
ଅଧିକ ତୈଳାକ୍ତ ଖାଦ୍ୟ ଖାଆନ୍ତୁ ନାହିଁ :
ଅଧିକ ତୈଳାକ୍ତ ଖାଦ୍ୟ ଖାଇବା ଦ୍ବାରା ଶରୀରର କ୍ଷତି ହୋଇଥାଏ। ତୈଳାକ୍ତ ଖାଦ୍ୟ ଶରୀରରେ ସଠିକ ଭାବେ ହଜମ ହୋଇପାରେ ନାହିଁ। ଏହି କାରଣରୁ କୋଷ୍ଠକାଠିନ୍ୟ ସମସ୍ୟା ଦେଖା ଦେଇଥାଏ। ତେଣୁ ଯେତେ ସମ୍ଭବ ତୈଳାକ୍ତ ଖାଦ୍ୟ ଠାରୁ ଦୂରେଇ ରୁହନ୍ତୁ।
