ରାଞ୍ଚି : ଉତ୍ତରପ୍ରଦେଶରେ ଏକାକୀ ଲୋକସଭା ନିର୍ବାଚନ ଲଢିବାକୁ ସ୍ଥିର କରିବା ପରେ କଂଗ୍ରେସ ଏବେ ଝାଡଖଣ୍ଡ ଉପରେ ଧ୍ୟାନ ନିବେଶ କରିଛି। ମାସାଧିକ ସମୟର ଆଲୋଚନା ପର୍ଯ୍ୟାଲୋଚନା ପରେ ଆଗାମୀ ଲୋକସଭା ଓ ବିଧାନସଭା ନିର୍ବାଚନ ନିମନ୍ତେ ଦଳ ଏବେ ଏଠାରେ ଆଞ୍ଚଳିକ ପାର୍ଟିଗୁଡିକ ସହିତ ହାତ ମିଳାଇଛି। କଂଗ୍ରେସ ସମେତ ଜେଏମ୍ଏମ୍, ଆରଜେଡି, ସିପିଆଇ ଏବଂ ବାବୁଲାଲ ମାରାଣ୍ଡିଙ୍କ ଝାଡଖଣ୍ଡ ବିକାଶ ମୋର୍ଚ୍ଚା (ଜେଭିଏମ୍)କୁ ନେଇ ଗଠନ ହୋଇଛି ବିଜେପି ବିରୋଧୀ ମେଣ୍ଟ। ଏଥିସହ ଜେଏମ୍ଏମ୍ କାର୍ଯ୍ୟନିର୍ବାହୀ ସଭାପତି ହେମନ୍ତ ସୋରେନଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀ କରିବାକୁ ମେଣ୍ଟ ସହଯୋଗୀଙ୍କ ମଧ୍ୟରେ ସହମତି ପ୍ରକାଶ ପାଇଛି। ରାଜ୍ୟର ୧୪ଟି ଲୋକସଭା ଆସନ ମଧ୍ୟରୁ ଜେଏମ୍ଏମ୍ ୪, ଜେବିଏମ୍ ୨ଟି, ଆରଜେଡି ଓ ସିପିଆଇ ଗୋଟିଏ ଲେଖାଏଁ ଆସନରେ ପ୍ରତିଦ୍ବନ୍ଦ୍ବିତା କରିବେ। ଅନ୍ୟ ଆସନଗୁଡିକରେ କଂଗ୍ରେସ ପ୍ରାର୍ଥୀ ଦେବ। ୨୦୧୪ ଲୋକସଭା ନିର୍ବାଚନରେ ବିଜେପି ୧୪ଟି ଆସନ ମଧ୍ୟରୁ ୧୨ଟିରେ ଜିତିଥିଲା। ଅନ୍ୟ ଦୁଇଟିରେ ଜେଏମ୍ଏମ୍ ପ୍ରାର୍ଥୀ ବିଜୟୀ ହୋଇଥିଲେ। ଉକ୍ତବର୍ଷ ଜେଏମ୍ଏମ୍ ସହିତ ମେଣ୍ଟ କରି ୯ଟି ଆସନରେ ପ୍ରାର୍ଥୀ ଦେଇଥିବା କଂଗ୍ରେସ ଗୋଟିଏ ମଧ୍ୟ ଆସନ ଲାଭ କରିପାରି ନ ଥିଲା।
Popular Categories
Previous article
Next article