ଧର୍ମଶାଳା: ହିମାଚଳ ପ୍ରଦେଶର ଧର୍ମଶାଳାରେ ବାଦଲ ଫଟା ବର୍ଷା ହେବା ଫଳରେ ଉକ୍ତ ଅଞ୍ଚଳରେ ବ୍ୟାପକ କ୍ଷୟକ୍ଷତି ଘଟିଛି। ହଠାତ ମୂଷଳଧାରାରେ ବର୍ଷା ହେବା ଫଳରେ ଧର୍ମଶାଳାର ମ୍ୟାକଲଏଡଗଞ୍ଜ ଅଞ୍ଚଳରେ ପ୍ରଖର ବେଗରେ ବନ୍ୟାପାଣି ମାଡିଆସିଥିଲା। ଏଥିରେ ଭାଗସୁ ଗ୍ରାମର ବ୍ୟାପକ କ୍ଷୟକ୍ଷତି ଘଟିଛି। ଗତ କିଛିଦିନ ହେଲା ରାଜ୍ୟରେ ବର୍ଷା ଲାଗିରହିଛି। ବନ୍ୟାଜଳରେ ବହୁ ଗାଡିମଟର ଭାସିଯାଇଛି। ଏଥିସହିତ ହୋଟେଲ ଏବଂ ବାସଗୃହଗୁଡିକର ବ୍ୟାପକ କ୍ଷତି ଘଟିଛି। ବର୍ଷା ଯୋଗୁ ମାନଝୀ ନଦୀରେ ବନ୍ୟାଜଳ ମାଡିଆସିବାରୁ ୧୦ରୁ ଅଧିକ ଦୋକାନ ଘର ମଧ୍ୟ ଭାସିଯାଇଛି।
ଭୀଷଣ ବର୍ଷା କାରଣରୁ ଶିମଳା ଜିଲାର ରାମପୁର ନିକଟରେ ଜାତୀୟ ରାଜପଥ ଅବରୁଦ୍ଧ ହୋଇଯାଇଛି। ଇତିମଧ୍ୟରେ ଉକ୍ତ ସ୍ଥାନକୁ ସଫାକରି ଯାତାୟତ ଉପଯୋଗୀ କରିବା କାର୍ଯ୍ୟ ଚାଲିଛି। ଭାରତୀୟ ପାଣିପାଗ ବିଭାଗ ପକ୍ଷରୁ ହିମାଚଳ ପ୍ରଦେଶରେ ଆଗାମୀ କିଛିଦିନ ପର୍ଯ୍ୟନ୍ତ ପ୍ରବଳରୁ ଅତି ପ୍ରବଳ ବର୍ଷା ହେବାନେଇ ପୂର୍ବାନୁମାନ କରାଯାଇଛି।
ଧର୍ମଶାଳାରେ ବାଦଲ ଫଟା ବର୍ଷା; ବ୍ୟାପକ କ୍ଷୟକ୍ଷତି
Popular Categories
Previous article
Next article