କୋହିମା: ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ଏବଂ ନାଗାଲାଣ୍ଡ ମୁଖ୍ୟମନ୍ତ୍ରୀ ନିଫୁ ରିଓ ଏଠାରେ ଏନଏସସିଏନ (ଆଇଏମ)ର ମୁଖ୍ୟ ମଧ୍ୟସ୍ଥି ଥୁଇଙ୍ଗାଲେଙ୍ଗ ମୁଇଭାଙ୍କ ସହିତ ରୁଦ୍ଧଦ୍ୱାର ବୈଠକରେ ମିଳିତ ହୋଇଥିବା ସରକାରୀ ସୂତ୍ରରୁ ଜଣାଯାଇଛି। ନାଗା ରାଜନୈତିକ ପ୍ରସଙ୍ଗର ସମାଧାନ ସୂତ୍ର ଖୋଜିବାକୁ କେନ୍ଦ୍ର ସରକାର ଏବଂ ଏନଏସସିଏନ (ଆଇଏମ) ମଧ୍ୟରେ ଆଲୋଚନା ପୁନଃ ଆରମ୍ଭ ହେବାର ଦିନକ ପରେ ଏହି ବୈଠକ ଅନୁଷ୍ଠିତ ହୋଇଛି। ନାଗାଲାଣ୍ଡର ମନ୍ତ୍ରୀ ନେଇବା କ୍ରୋନୁ ଏହାକୁ ସ୍ୱୀକାର କରିଛନ୍ତି। ସୂଚନାଯୋଗ୍ୟ ଯେ ଏନଏସସିଏନ (ଆଇଏମ) ୧୯୯୭ରେ କେନ୍ଦ୍ର ସରକାରଙ୍କ ସହିତ ଆଲୋଚନା ଆରମ୍ଭ କରିବା ପରେ ପ୍ରଥମ ଥର ପାଇଁ ରାଜନୈତିକ ନେତୃବୃନ୍ଦଙ୍କ ସହିତ ବୈଠକରେ ମିଳିତ ହୋଇଥିବା ଜଣାଯାଇଛି। ଏନଏସସିଏନ (ଆଇଏମ) ନେତା ଆର ରାଇଜିଂ ସୋମବାର ଦିନ କହିଥିଲେ ଯେ ସେମାନେ କେବେହେଲେ ରାଜନୈତିକ ନେତୃବୃନ୍ଦଙ୍କ ସହିତ ଆଲୋଚନା କରିନଥିଲେ। କିନ୍ତୁ କେନ୍ଦ୍ର ସରକାର ଯଦି ସେସମାନଙ୍କୁ ଦାୟିତ୍ୱ ଦିଅନ୍ତି ତେବେ ସେମାନଙ୍କ ସହିତ ଆଲୋଚନା କରିବାକୁ ହେବ।
ଆସାମ, ନାଗାଲାଣ୍ଡର ମୁଖ୍ୟମନ୍ତ୍ରୀ ଓ ଏନଏସସିଏନ (ଆଇଏମ) ମଧ୍ୟରେ ରୁଦ୍ଧଦ୍ୱାର ବୈଠକ
Popular Categories
Previous article
Next article