ବିଶ୍ବକପ ଫାଇନାଲ:ଅଷ୍ଟ୍ରେଲିଆକୁ ୨୪୧ ରନ୍ର ବିଜୟ ଲକ୍ଷ୍ୟ ଦେଲା ଭାରତ
ବିଶ୍ବକପ ଫାଇନାଲରେ ଭାରତର ମନ୍ଥର ବ୍ୟାଟିଂ, ସ୍ଲୋପିଚ୍ରେ ଭଲ ସ୍କୋର କରିପାରିଲେନି ବ୍ୟାଟ୍ସମ୍ୟାନ
ଅହମ୍ମଦାବାଦ: ଆଜି ଖେଳାଯାଇଥିବା ବିଶ୍ବକପ ଫାଇନାଲ ମ୍ୟାଚରେ ଭାରତ ନିର୍ଦ୍ଧାରିତ ୫୦ ଓଭରରେ ସମସ୍ତ ୱିକେଟ ହରାଇ ୨୪୦ ରନ ସ୍କୋର କରି ଅଲଆଉଟ ହୋଇଯାଇଛି। ବିଶ୍ବକପ ଫାଇନାଲରେ ଭାରତର ମନ୍ଥର ବ୍ୟାଟିଂ ଦେଖିବାକୁ ମିଳିଥିଲା। ସ୍ଲୋପିଚ୍ରେ ଭାରତର ବ୍ୟାଟ୍ସମ୍ୟାନମାନେ ଭଲ ସ୍କୋର କରିପାରିଲେନାହିଁ। ଫଳରେ ସମସ୍ତ ୱିକେଟ ହରାଇ ଭାରତ ୨୪୦ ରନ ସଂଗ୍ରହ କରିଥିବା ଅଷ୍ଟ୍ରେଲିଆ ପାଇଁ ବିଜୟ ଲକ୍ଷ୍ୟ ୨୪୧ ରନ୍ ଟାର୍ଗେଟ ଦେଇଛି। ଆଜି ବିରାଟ କୋହିଲି ଓ କେଏଲ ରାହୁଲ ବିଶ୍ବକପ ଫାଇନାଲରେ ଅର୍ଦ୍ଧଶତକ କରିଛନ୍ତି। ରାହୁଲ ୬୬, କୋହଲି ୫୪, ରୋହିତ ୪୭, ସୂର୍ଯ୍ୟଙ୍କ ୧୮ରନ ସଂଗ୍ରହ କରିଥିବାବେଳେ ଶୁଭମନ ଗିଲ ଏବଂ ଶ୍ରେୟସ ଆୟର ସମସ୍ତଙ୍କୁ ନିରାଶ କରିଛନ୍ତି।
ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଚାଲିଥିବା ଆଇସିସି ବିଶ୍ବକପ ଫାଇନାଲରେ ଅଷ୍ଟ୍ରେଲିଆର ମାପଚୁପ ବୋଲିଂ ଆଗରେ ଭାରତୀୟ ବ୍ୟାଟ୍ସମ୍ୟାନମାନେ ଅସଫଳ ହେବା ସହିତ ନିର୍ଦ୍ଧାରିତ ୫୦ ଓଭରରେ ୨୪୦ ରନ ସଂଗ୍ରହ କରି ଅଲଆଉଟ ହୋଇଯାଇଥିଲେ ଏବଂ ଅଷ୍ଟ୍ରେଲିଆକୁ ୨୪୧ ରନର ବିଜୟ ଲକ୍ଷ୍ୟ ଦେଇଥିଲେ।
ଆଜି ବିଶ୍ବକପ ଫାଇନାଲ ମ୍ୟାଚରେ ଅଷ୍ଟ୍ରେଲିଆ ଟସ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଫଳରେ ଭାରତ ପ୍ରଥମେ ବ୍ୟାଟିଂ କରିବାକୁ ଆସିଥିଲା। ଶୁଭମନ ଗିଲ ଦଳ ଗିଲ ମାତ୍ର ୪ ରନ କ ଏବଂ ରୋହିତ ଶର୍ମା ୪୭ ରନ କରି ଆଉଟ ହୋଇଥିଲେ। ବିରାଟ କୋହଲି ଓ କେଏଲ ରାହୁଲ ସତର୍କତା ସହ ବ୍ୟାଟିଂ କରି ସ୍କୋରକୁ ଆଗେଇ ନେଇଥିଲେ। କିନ୍ତୁ ବିରାଟ ଆଉଟ ହେବା ପରେ ଦଳ ସଂକଟରେ ପଡ଼ିଯାଇଥିଲା। ରାହୁଲ ୬୬ ରନ କରି ଆଉଟ ହୋଇଥିଲେ। ସୂର୍ଯ୍ୟକୁମାର ଯାଦବ ୨୮ଟି ବଲରୁ ୧୮ ରନ କରିଥିଲେ । ତେବେ ଶେଷ ୱିକେଟରେ କୂଳଦୀପ ଯାଦବ ଓ ମହମ୍ମଦ ସିରାଜ ସତର୍କତାର ସହ ଖେଳି ସ୍କୋରକୁ ଏକ ସମ୍ମାନଜନକ ସ୍ତରକୁ ନେଇଯାଇଥିଲେ ।
ଅଷ୍ଟ୍ରେଲିଆ ପକ୍ଷରୁ ମିଚେଲ ଷ୍ଟାର୍କ ୩ଟି ୱିକେଟ ନେଇଥିବାବେଳେ ଜୋସ ହେଜଲଉଡ୍ ଓ କମିନ୍ସଙ୍କୁ ୨ଟି ଲେଖାଏଁ ୱିକେଟ ମିଳିଥିଲା।
Comments are closed.