କଲମପୁର: ରବିବାର କଲମପୁର ଥାନା ଅଧିନସ୍ଥ ଦୁଲକିବନ୍ଧ ନୁଆପଡା ଠାରେ ଘଟିଛି ଏକ ଅଘଟଣ। ପୂର୍ବ ଶତୃତାକୁ କେନ୍ଦ୍ର କରି ସଂଘବଦ୍ଧ ଆକ୍ରମଣ ଯୋଗୁଁ ଜଣେ ବ୍ୟକ୍ତି ଗୁରୁତର ହେଇଛନ୍ତି। ପରିବାର ଲୋକ ତାଙ୍କୁ ଉଦ୍ଧାର କରି ଚିକିତ୍ସା ପାଇଁ କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଛନ୍ତି।
ସୂଚନା ଅନୁସାରେ ଦୁଲକିବନ୍ଧ ନୁଆପଡାର ଲଚ୍ଛମନ ପୁଝାରୀ ନାମକ ଜନୈକ ବ୍ୟକ୍ତି ନିଜ ଚାଷ ଜମିରେ ଥିବା ବେଳେ ପୂର୍ବ ଶତୃତା କରାଣରୁ ମୁକ୍ତେଶ୍ୱର ପୁଝାରୀ, ସୀମାଞ୍ଚଳ ପୁଝାରୀ ଏବଂ ରାମ ଚନ୍ଦ୍ର ପୁଝାରୀ ପ୍ରମୁଖ ସମ୍ପର୍କୀୟ ଭାଇ ମାନେ ସଂଘ ବଦ୍ଧ ଭାବେ ଆକ୍ରମଣ କରି ମାଡ ମାରି ଚାଷ ଜମିରେ ପକାଇ ଦେଇଥିଲେ। ପରିବାର ଲୋକ ଏନେଇ ଜାଣିବା ପରେ ଲଚ୍ଛମନକୁ ଗୁରୁତର ଅବସ୍ଥାରେ ଉଦ୍ଧାର କରି ଚିିକିତ୍ସା ପାଇଁ କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଛନ୍ତି। ବର୍ତମାନ ତାଙ୍କ ଚିକିତ୍ସା ଜାରି ରହିଛି। ଏନେଇ କଲମପୁର ପୁଲିସ ଥାନାରେ ମୌଖିକ ଭାବେ ସୁଚନା ଦିଆଯାଇଛି। ପୂର୍ବରୁ ମଧ୍ୟ ଏହି ଦୁଇ ପରିବାର ମଧ୍ୟରେ ଝଗଡା ରହିଥିଲା।
ଏପରିକି ଉଭୟ ପରିବାର ମଧ୍ୟରେ ଝଗଡା ହେଉଥିବା କାରଣରୁ ପୂର୍ବରୁ କୁଟ୍ରୁ ପୁଲିସ ଫାଣ୍ଡିରେ ଅଭିଯୋଗ ହୋଇଥିଲା। ଏପରିକି ଦିନକ ପୂର୍ବରୁ ମୁକ୍ତେଶ୍ୱର ସହ ଝଗଡା ହୋଇଥିବାରୁ କଲମପୁର ଥାନାର ଦ୍ୱାରସ୍ଥ ହେଇଥିବା ମୁକ୍ତେଶ୍ୱର ସୁଚନା ଦେଇଛନ୍ତି। ଅନ୍ୟପଟେ ପୂର୍ବ ଶତୃତା କାରଣରୁ ଏଭଳି ଘଟଣା ଘଟିଛି। ଗତ ବର୍ଷ ମଧ୍ୟ ଝଗଡା ହେଇଥିଲା ବୋଲି ଲଚ୍ଛମନର ଭାଇ ଚଂଚଳ ପୁଝାରୀ ସୁଚନା ଦେଇଛନ୍ତି।
