ନୂଆଦିଲ୍ଲୀ – ରୟାଲ ସ୍ୱେଡିଶ୍ ଏକାଡେମୀ ଅଫ୍ ସାଇନ୍ସ ପକ୍ଷରୁ ୨୦୨୩ ବର୍ଷ ପାଇଁ ଅର୍ଥନୀତିରେ ନୋବେଲ୍ ପୁରସ୍କାର ଘୋଷଣା କରାଯାଇଛି ।
ଆମେରିକାର ଅର୍ଥନୀତିଜ୍ଞ କ୍ଲାଉଡିଆ ଗୋଲ୍ଡିନ୍ଙ୍କୁ ଚଳିତ ବର୍ଷ ଅର୍ଥନୀତିପାଇଁ ନୋବେଲ୍ ପୁରସ୍କାର ପ୍ରଦାନ କରାଯିବ । ମହିଳାଙ୍କର ଶ୍ରମ କ୍ଷେତ୍ରରେ ଯୋଗଦାନ ଏବଂ ଏହାର ଫଳାଫଳ ବିଷୟରେ ସେ ଗବେଷଣା କରିବା ସହ ଅନେକ ଗୁରୁତ୍ୱପୂର୍ଣ୍ଣ ସୂଚନା ପ୍ରଦାନ କରିଛନ୍ତି । ଯାହା ସାମାଜିକ ସ୍ଥିରତା ଏବଂ ମହିଳାଙ୍କ ଅର୍ଥନୈତିକ ବିକାଶ ପାଇଁ ବେଶ୍ ସହାୟକ । ସେ ଏହି ଗବେଷଣା ପାଇଁ ୨୦୦ ବର୍ଷର ତଥ୍ୟ ସଂଗ୍ରହ କରିଥିଲେ ।
ଗତବର୍ଷ ଅର୍ଥନୀତିରେ ତିନିଜଣଙ୍କୁ ନୋବେଲ୍ ପୁରସ୍କାର ପ୍ରଦାନ କରାଯାଇଥିଲା । ବେନ୍ ଏସ୍ ବର୍ନାନକେ, ଡଗଲସ୍ ଡବ୍ଲୁ ଡାୟମଣ୍ଡ ଏବଂ ଫିଲିପ୍ ଏଚ୍ ଜାୟବବିଗ୍ଙ୍କୁ ୨୦୨୨ ବର୍ଷ ପାଇଁ ଏହି ପୁରସ୍କାର ପ୍ରଦାନ କରାଯାଇଥିଲା।
୧୯୬୯ ମସିହାଠାରୁ ଅର୍ଥନୀତିରେ ନୋବେଲ୍ ପୁରସ୍କାର ପ୍ରଦାନ କରାଯାଉଛି ।
Comments are closed.