ସମାଜ ଡିଜିଟାଲ ଡେସ୍କ: ସ୍କୁଲ ଅଧ୍ୟକ୍ଷାଙ୍କ ମାଡ଼ରେ ଦୃଷ୍ଟି ଶକ୍ତି ହରାଇଛନ୍ତି ଜଣେ ୩ୟ ଶ୍ରେଣୀ ଛାତ୍ରୀ। ଉତ୍ତରପ୍ରଦେଶର ମୁରାଦାବାଦ ଜିଲାରେ ଏଭଳି ଏଭ ଅଭାବନୀୟ ଘଟଣା ଘଟିଛି। ଛାତ୍ରୀଙ୍କ ପରିବାର ପକ୍ଷରୁ ଜିଲାପାଳଙ୍କ ନିକଟରେ ଏ ସମ୍ପର୍କରେ ଅଭିଯୋଗ କରାଯିବା ସହିତ ନ୍ୟାୟ ଦେବାକୁ ଅନୁରୋଧ କରାଯାଇଛି। ଛାତ୍ରୀଙ୍କ ଚିକିତ୍ସା ବ୍ୟବସ୍ଥା କରାଇବା ସହ ଦୋଷୀ ମହିଳା ଅଧ୍ୟକ୍ଷାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ଲାଗି ଦାବି କରାଯାଇଛି।
ପୀଡ଼ିତା ଛାତ୍ରୀଙ୍କ ମା’ ଜ୍ୟୋତି କଶ୍ୟପ କରିଥିବା ଅଭିଯୋଗ ଅନୁସାରେ, ତାଙ୍କ ୮ ବର୍ଷୀୟା ଝିଅ ମୁରାଦାବାଦର ଏକ ପ୍ରାଥମିକ ସ୍କୁଲରେ ପଢୁଛନ୍ତି। କୌଣସି କତାକୁ ନେଇ ସ୍କୁଲ ଅଧ୍ୟକ୍ଷା ତାଙ୍କ ଝିଅକୁ ମାଡ଼ ମାରିଥିଲେ। ଯାହାଫଳରେ ଝିଅ ବାମ ଆଖିର ଦୃଷ୍ଟି ଶକ୍ତି ଚାଲିଯାଇଛି। ମହିଳାଙ୍କ ଅଭିଯୋଗ ଆଧାରରେ ତଦନ୍ତ ଆରମ୍ଭ ହୋଇଥିବା ମୁରାଦାବାଦର ମୌଳିକ ଶିକ୍ଷା ଅଧିକାରୀ ବିମଲେଶ କୁମାର ଗଣମାଧ୍ୟମକୁ ସୂଚନା ଦେଇଛନ୍ତି।
