ରେଙ୍ଗାଲି : ବନ୍ଦ ପାଳନ, ଧର୍ମଘଟ, ଆନ୍ଦୋଳନ ଡାକରା ଆଦି କାର୍ଯ୍ୟକ୍ରମ ବ୍ୟତୀତ ଯାତ୍ରୀ ବାହୀ ପ୍ରାୟ ନିୟମିତ ଚଳାଚଳ କରିଥାଏ । କିନ୍ତୁ ସମ୍ବଲପୁରରୁ ଲଇଡାକୁ ଚାଲୁଥିବା ସିଟି ବସ୍ ବିଚିତ୍ର ନୀତିରେ ଚଳାଚଳ କରୁଥିବାରୁ ଯାତ୍ରୀ ମାନେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି । ସମ୍ବଲପୁରରୁ ପରମାଣପୁର ଦେଇ ଲଇଡାକୁ ଚାଳୁଥିବା ସିଟି ବସ୍ ସପ୍ତାହର ପ୍ରତି ରବିବାର ବନ୍ଦ ରହୁଥିବା ବେଳେ ରଥ ଯାତ୍ରା ଭଲି ବିଭିନ୍ନ ପର୍ବପର୍ବାଣି ଛୁଟି ଦିନରେ ମଧ୍ୟ ବସ୍ ଚଳାଚଳ ବନ୍ଦ ରହୁଛି । ଫଳରେ ଯାତ୍ରୀ ମାନେ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି । ରଥଯାତ୍ରା, ବାହୁଡା ଯାତ୍ରା ଦିନ ସିଟି ବସ୍ ଚଳାଚଳ ବନ୍ଦ ରହିବା ଫଳରେ ଯାତ୍ରୀ ମାନଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ଏହା କି ପ୍ରକାର ଯାତ୍ରୀ ପରିବହନ ନୀତି ବୋଲି ଜନସାଧାରଣ ପ୍ରଶ୍ନ କରିବା ସହିତ ଛୁଟି ଦିବସ ରେ ସିଟି ବସ୍ ଚଳାଚଳ କାହିଁକି ବନ୍ଦ ରହୁଛି ବୋଲି ପ୍ରତିକ୍ରିୟା ପ୍ରକାଶ ପାଉଛି । ଜିଲ୍ଲାପାଳ ଏବଂ ଜିଲ୍ଲା ପରିବହନ ଅଧିକାରୀ ଏଥିପ୍ରତି ଦୃଷ୍ଟି ଦେଇ ସିଟି ବସ୍ ଯେପରି ନିୟମିତ ଚଳାଚଳ କରିବ ସେଦିଗ ରେ ବିହିତ ପଦକ୍ଷେପ ଗ୍ରହଣ କରିବାକୁ ଦାବୀ ହେଉଛି।
Popular Categories
Previous article
Next article