ହଷ୍ଟେଲରେ ପ୍ରସବ କଲେ ଦଶମ ଶ୍ରେଣୀ ଛାତ୍ରୀ, ପୁଲିସ ତଦନ୍ତ ଆରମ୍ଭ

ଚିତ୍ରକୋଣ୍ଡା: ଚିତ୍ରକୋଣ୍ଡା ଥାନା ଅଞ୍ଚଳରେ ଥିବା ଏକ ବିଦ୍ୟାଳୟର ଜଣେ ଦଶମ ଶ୍ରେଣୀ ଛାତ୍ରୀ ହଷ୍ଟେଲରେ ପ୍ରସବ କରିଥିବା ସୂଚନା ମିଳିଛି। ସେ ଦଶମ ଶ୍ରେଣୀ ବୋର୍ଡ ପରୀକ୍ଷା ଦେଇ ହଷ୍ଟେଲକୁ ଫେରିବା ପରେ ତାଙ୍କର ଗର୍ଭ ଯନ୍ତ୍ରଣା ଆରମ୍ଭ ହୋଇଥିଲା। କିଛି ସମୟ ପରେ ହଷ୍ଟେଲରେ ହିଁ ସେ ପ୍ରସବ କରିଥିଲେ ବୋଲି ଜଣାପଡ଼ିଛି।

ପରୀକ୍ଷା ଦେଇ ଫେରିବା ପରେ ହଷ୍ଟେଲରେ ଜଣେ ଦଶମ ଶ୍ରେଣୀ ଛାତ୍ରୀ ପ୍ରସବ କରିଥିବା ସମ୍ପର୍କରେ ସୂଚନା ପାଇ ଚିତ୍ରକୋଣ୍ଡା ପୁଲସି ଉକ୍ତ ବିଦ୍ୟାଳୟରେ ପହଞ୍ଚିଥିଲା। ପ୍ରସବ କରିଥିବା ହଷ୍ଟେଲ ଛାତ୍ରୀଙ୍କୁ ବିଦ୍ୟାଳୟରୁ ଉଦ୍ଧାର ପରେ ଚିକିତ୍ସା ପାଇଁ ପୁଲିସ ମେଡ଼ିକାଲ ପଠାଇଥିଲା।

ଏହି ଘଟଣା ପାଇଁ ବିଦ୍ୟାଳୟ କର୍ତ୍ତୃପକ୍ଷ ଦାୟୀ ବୋଲି ଛାତ୍ରୀଙ୍କ ବାପାମା’ ଅଭିଯୋଗ କରିଛନ୍ତି। ଅପରପକ୍ଷରରେ ସ୍ଥାନୀୟ ଅଞ୍ଚଳର ଏକ ସ୍କୁଲର ଦଶମ ଶ୍ରେଣୀରେ ପଢୁଥିବା ଜଣେ ହଷ୍ଟେଲ ଛାତ୍ରୀଙ୍କ ପ୍ରସବ ଘଟଣାର ତଦନ୍ତ ଆରମ୍ଭ ହୋଇଛି। ଏହି ଘଟଣାର ଦୋଷୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ପଦକ୍ଷେପ ନିଆଯିବ ବୋଲି ପୁଲିସ କହିଛି।