୧୦୦ ଟଙ୍କା ପାଇଁ ଯୁବକଙ୍କୁ ଇଟାରେ ଛେଚି ହତ୍ୟା

ନୂଆଦିଲ୍ଲୀ : ଧାର ନେଇଥିବା ମାତ୍ର ୧୦୦ ଟଙ୍କା ଫେରାଇବା ଘଟଣାକୁ ନେଇ ଦିଲ୍ଲୀର ନରେଲା ଅଞ୍ଚଳରେ ଜଣେ ଅଭିଯୁକ୍ତ ୨୫ ବର୍ଷୀୟ ଯୁବକଙ୍କ ମୁଣ୍ଡକୁ ଇଟାରେ ଛେଚି ହତ୍ୟା କରିଥିବା ଜଣାପଡିଛି। ଘଟଣାଟି ଚଳିତମାସ ୧୫ରେ ଘଟିଛି। ବିଶାଲ ବାଗସ୍ଥିତ ଚାଉଳ କଳ ନିକଟରେ ଅଜଣା ମୃତଦେହ ପଡିଥିବା ଦେଖି ସ୍ଥାନୀୟ ଲୋକେ ପୁଲିସକୁ ଖବର ଦେଇଥିଲେ। ମୁଣ୍ଡ ଓ ମୁହଁ ବିକୃତ ହୋଇଥିବାରୁ ମୃତଦେହକୁ ଚିହ୍ନଟ କରିବା କଷ୍ଟକର ହୋଇପଡିଥିଲା। ଏଥିସହିତ ଅଭିଯୁକ୍ତ ଜଣକ ମୋବାଇଲ ଫୋନ ବ୍ୟବହାର କରୁନଥିବାରୁ ତାକୁ ଟ୍ରାକ୍‌ କରିବା ଅସମ୍ଭବ ହୋଇପଡିଥିଲା। ଶେଷରେ ଅଭିଯୁକ୍ତ ଅମନ୍‌ ପୁଲିସ ହାତରେ ଧରାପଡିଛି। ବଣ୍ଟି ନାମକ ମୃତ ଯୁବକ ଅମନ ନିକଟରୁ ୧୦୦ ଟଙ୍କା ଧାର ନେଇଥିଲେ ସୁଦ୍ଧା ଫେରାଇବାର ନାଁ ଧରୁନଥିଲା। ଏହାକୁ ନେଇ ଦୁହିଁଙ୍କ ମଧ୍ୟରେ ଝଗଡା ହେବା ପରେ ଅମନ୍‌ ଏକ ଇଟା ସାହାଯ୍ୟରେ ବଣ୍ଟିକୁ ହତ୍ୟା କରିଥିବା ପୁଲିସ ଆଗରେ ସ୍ବୀକାର କରିଛି।