ସୋର : ଜଣେ ବୃଦ୍ଧ ଚାରି ବର୍ଷର ଶିଶୁକୁ ୨୦ ଫୁଟ ପାଣି ଖାତ ଭିତରକୁ ଫୋପାଡି ଦେଇଛନ୍ତି। ଏପରି ଘଟଣା ସୋର ଅଞ୍ଚଳରେ ଦେଖିବାକୁ ମିଳିଛି। ପାରିବାରିକ ହିଂସା କାରଣରୁ ବୃଦ୍ଧ ଜଣକ ଏପରି କାଣ୍ଡ ଘଟାଇଛନ୍ତି। ବୃଦ୍ଧ ଜଣକ ହେଉଛନ୍ତି ସୋର ଥାନା ମହୁମୁହାଣ ଗୁଡିଖାଳ ଗ୍ରାମର ମାଗୁଣି ନାୟକ। ମାଗୁଣି ବୁଧବାର ଦିନ ୧୧ଟା ସମୟରେ ସେହି ଗ୍ରାମର ତପନ କଟୁଆଳଙ୍କ ଚାରିବର୍ଷର ପୁଅ ଲାଲ ମୋହନଙ୍କୁ ପାଣି ଭିତରକୁ ଫୋପାଡି ଦେଇଥିଲେ। ଶିଶୁକୁ ଅଚେତ ଅବସ୍ଥାରେ ଚାରି ଜଣ ନାବାଳକ ପାଣିରୁ ଉଦ୍ଧାର କରିଥିଲେ। ତାଙ୍କୁ ସୋର ଡାକ୍ତରଖାନାରେ ଚିକିତ୍ସା କରାଯିବା ପରେ ଥାନାରେ ଏ ସମ୍ପର୍କରେ ଅଭିଯୋଗ କରାଯାଇଛି। ପୁଲିସ ଏହି ଘଟଣାର ତଦନ୍ତ ଆରମ୍ଭ କରିଛି।
