ବଲାଙ୍ଗୀର : ‘ସମାଜ’ କର୍ମଚାରୀ ପ୍ରଦୀପ ମହାପାତ୍ରଙ୍କ ହତ୍ୟା ପ୍ରତିବାଦ ଓ ନିଶା କାରବାର ବିରୋଧରେ ବଲାଙ୍ଗୀର ଟାଉନ ଥାନା ସମ୍ମୁଖରେ ଧାରଣା ଦିଆଯାଇଛି। ଏହାସହ ବିଙ୍ଗ ହ୍ୟୁମାନ ଫାଉଣ୍ଡେସନ ପକ୍ଷରୁ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ମଧ୍ୟ ବିକ୍ଷୋଭ ପ୍ରଦର୍ଶନ କରାଯାଇଛି।
ସୂଚନାଯୋଗ୍ୟ ଯେ, ସୋମବାର ବିଳମ୍ବିତ ରାତିରେ ବଲାଙ୍ଗୀର ଠାରେ ‘ସମାଜ’ ପ୍ରସାରଣ ବିଭାଗର ବିଡିଇ ପ୍ରତାପ ମହାପାତ୍ରଙ୍କୁ କିଛି ଦୁର୍ବୃତ୍ତ ଛୁରି ଭୁସି ହତ୍ୟା କରିଥିଲେ। ଏହି ଘଟଣା ପଛରେ କିଛି ନିଶାଖୋର ଯୁବକଙ୍କ ହାତ ରହିଥିବା କୁହାଯାଇଛି। ପୁଲିସ ଏହି ଘଟଣାରେ ୩ଜଣ ଯୁବକଙ୍କୁ ଅଟକ ରଖି ପଚରାଉଚରା କରୁଛି। ଏହି ଘଟଣାରେ ସଂପୃକ୍ତ ସମସ୍ତ ଅଭିଯୁକ୍ତଙ୍କୁ ଶୀଘ୍ର ଧରି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସଂଘ ପକ୍ଷରୁ ଦାବି କରାଯାଇଛି।
- Advertisement -
