ଶସ୍ତା ଲୋକପ୍ରିୟତା, ଗିରଫ ହୋଇପାରନ୍ତି ପୁନମ ପାଣ୍ଡେ!

ଡେସ୍କ: ବୋଲ୍ଡ ଫଟୋ ଓ ଖରାପ ମନ୍ତବ୍ୟ ପାଇଁ ଅନେକ ସମୟରେ ଚର୍ଚ୍ଚାରେ ରହୁଥିବା ଅଭିନେତ୍ରୀ ପୁନମ ପାଣ୍ଡେଙ୍କ ପାଇଁ ଅସୁବିଧା ବଢ଼ିବାରେ ଲାଗିଛି। ଅଳ୍ପ କେତୋଟି ଚଳଚ୍ଚିତ୍ରରେ ଅଭିନୟ କରିଥିବା ପୁନମ ପାଣ୍ଡେଙ୍କୁ ଆଖି ଦୃଶିଆ ସଫଳତା ମିଳିନଥିବା ବେଳେ ନିଜର ଖରାପ ଓ ଅତିରଂଜିତ ମନ୍ତବ୍ୟ ଏବଂ ବୋଲ୍ଡ ଫଟୋ ପାଇଁ ତାଙ୍କ ସାମାଜିକ ଗଣମାଧ୍ୟମ ଅନୁଗାମୀ ମାନେ ତାଙ୍କୁ ଟ୍ରୋଲ କରିଥାନ୍ତି। ଭାରତ କ୍ରିକେଟ ବିଶ୍ୱକପ ଜିତିଲେ ଉଲଗ୍ଣ ହୋଇ ଦୌଡ଼ିବେ ବୋଲି କହିଥିବା ତଥାକଥିତ ଅଭିନେତ୍ରୀ ହେଉଛନ୍ତି ପୁନମ ପାଣ୍ଡେ। ତେବେ ଏବେ ତାଙ୍କୁ ପୁଲିସ ଗିରଫ କରିବା ନେଇ ଆଶଙ୍କା ପ୍ରକାଶ ପାଇଛି।

ଫେବୃଆରୀ ୨ରେ ସେ ନିଜେ ନିଜ ସାମାଜିକ ଗଣମାଧ୍ୟମ ଆକାଉଣ୍ଟରେ ନିଜର ମୃତ୍ୟୁ ସମ୍ବାଦ ବିଷୟ ପୋଷ୍ଟ କରିଥିଲେ ଓ ତାଙ୍କ ମ୍ୟାନେଜର ଓ ପରିବାର ବର୍ଗ ମଧ୍ୟ ସେହି ସୂଚନାକୁ ସମର୍ଥନ ପୂର୍ବକ ଦୁଃଖ ପ୍ରକାଶ କରିଥିଲେ। ଏହି ଖବର ପ୍ରଚାର ହେବା ପରେ ତାଙ୍କ ସମର୍ଥକ ମାନେ ଶୋକସନ୍ତପ୍ତ ପରିବାରକୁ ସମବେଦନା ଜଣାଇଥିଲେ। ସର୍ଭିକାଲ କ୍ୟାନସର ବା ଗ୍ରୀବା କର୍କଟରେ ଆକ୍ରାନ୍ତ ହୋଇ ତାଙ୍କର ମୃତ୍ୟୁ ହୋଇଥିବା ଜଣାପଡିଥିଲା।

ପୁଣି ଇମ୍ରାନ ଖାନ ଓ ତାଙ୍କ ପତ୍ନୀ ବୁଶ୍ରା ଖାନ ଦଣ୍ଡିତ, ବିବାହ ଆଇନ ଉଲ୍ଲଂଘନ କରିଥିବା ଅଭିଯୋଗ

କିନ୍ତୁ ୨୪ ଘଣ୍ଟା ନ ପୂରୁଣୁ ସେ ଜୀବିତ ଥିବା ଆଉ ଏକ ସୂଚନା ପୋଷ୍ଟ କରିଥିଲେ। ସେ ସଫେଇ ଦେଇଥିଲେ ଯେ ସେ ଏହି ରୋଗର ଭୟାବହତା ବିଷୟରେ ସଚେତନତା ସୃଷ୍ଟି ଲାଗି ଏଭଳି କରିଥିଲେ। କିନ୍ତୁ ସଚେତନତା ସୃଷ୍ଟି ଆଳରେ ଏଭଳି ମିଥ୍ୟା ଖବର ଦେବା ବିଷୟକୁ ସମର୍ଥକ ମାନେ ସହଜରେ ଗ୍ରହଣ କରିପାରି ନାହାନ୍ତି। ଅନେକ ସମର୍ଥକ କହିଛନ୍ତି ଯେ ପୁନମ କେବଳ ଶସ୍ତା ଲୋକପ୍ରିୟତା ହାସଲ ପାଇଁ ଏଭଳି କରିଛନ୍ତି ତେଣୁ ତାଙ୍କ ଉପରେ ପୁଲିସ ପଦକ୍ଷେପ ଗ୍ରହଣ କରୁ। ସୂଚନା ଅନୁଯାୟୀ, ପୁନମ ପାଣ୍ଡେଙ୍କୁ ପୁଲିସ ଏ ସମ୍ବନ୍ଧରେ ପଚରାଉଚୁରା ପାଇଁ ଡାକିବାର ସମ୍ଭାବନା ରହିଛି। ମିଥ୍ୟା ସୂଚନା ପ୍ରସାର ଅଭିଯୋଗରେ ସେ ଗିରଫ ହୋଇପାରନ୍ତି ବୋଲି ସମ୍ଭାବନା ଦେଖାଦେଇଛି।

(ସମ୍ୱାଦଟି ସାମାଜିକ ଗଣମାଧ୍ୟମରୁ ସଂଗୃହିତ, ଏହାର ସତ୍ୟାସତ୍ୟ ଯାଞ୍ଚ ଯୋଗ୍ୟ)