ପ୍ରଥମ ବାଧାକୁ ସାମ୍ନା କଲା ପ୍ରଜ୍ଞାନ ରୋଭର – ଚନ୍ଦ୍ରର ବିଶାଳ ଗର୍ତ୍ତକୁ ଏପରି ପାର କଲା

ନୂଆଦିଲ୍ଲୀ – ଚନ୍ଦ୍ରଯାନ ୩ ମିସନରେ ପ୍ରଜ୍ଞାନ ରୋଭର ପ୍ରଥମ ବାଧାକୁ ସଫଳତାର ସହ ସାମ୍ନା କରିଛି । ପ୍ରଜ୍ଞାନ ରୋଭର ଚନ୍ଦ୍ରରେ ବୁଲି ବିଭିନ୍ନ ତଥ୍ୟ ସଂଗ୍ରହ କରିବା ସହ ଲ୍ୟାଣ୍ଡର ମାଧ୍ୟମରେ ଅର୍ବିଟରକୁ ଏବଂ ପରେ ପୃଥିବୀରେ ଥିବା ଅର୍ଥ ସେଣ୍ଟରକୁ ପ୍ରେରଣ କରୁଛି । ଏହାର ପ୍ରଥମ ବାଧାରେ ପ୍ରଜ୍ଞାନ ଏକ କ୍ରେଟର ବା ଚନ୍ଦ୍ରର ଗର୍ତ୍ତକୁ ସାମ୍ନା କରିଥିଲା । ପରେ ଦିଗ ପରିବର୍ତ୍ତନ କରି ଏହା ସୁରକ୍ଷିତ ଭାବେ ଚନ୍ଦ୍ର ପୃଷ୍ଟରୁ ବିଭିନ୍ନ ତଥ୍ୟ ସଂଗ୍ରହ କରିଛି ।

Chandrayaan-3 Mission:

On August 27, 2023, the Rover came across a 4-meter diameter crater positioned 3 meters ahead of its location.
The Rover was commanded to retrace the path.

It’s now safely heading on a new path.#Chandrayaan_3#Ch3 pic.twitter.com/QfOmqDYvSF

— ISRO (@isro) August 28, 2023

୧୦୦ ମିଟର ଗଭୀରେ ଏହି ଗର୍ତ୍ତ ପାର୍ଶ୍ୱ ଦେଇ ପ୍ରଜ୍ଞାନ ରୋଭର ଗତି କରିଥିଲା । ଏହାକୁ ସଫଳତାର ସହ ପାର ହେବା ପରେ, ଭାରତର ମହାକାଶ ବିଜ୍ଞାନୀମାନେ ପ୍ରଜ୍ଞାନ ସମସ୍ତ ବାଧାବିଘ୍ନ ପାର କରି ସଫଳତାର ସହ ସମସ୍ତ କାର୍ଯ୍ୟ କରି ପାରିବ ବୋଲି ବିଶ୍ୱାସ ରଖିଛନ୍ତି ।

ରୋଭର ନିଜକୁ ନିଜେ ନିୟନ୍ତ୍ରଣ କରୁଥିବା ବେଳେ ଗ୍ରାଉଣ୍ଡ ଟିମ୍ ମଧ୍ୟ ଏହାକୁ ନିୟନ୍ତ୍ରଣ କରୁଛନ୍ତି । ଅନବୋର୍ଡ କ୍ୟାମେରା ବା ରୋଭରରେ ଲାଗିଥିବା କ୍ୟାମରାରୁ ମିଳୁଥିବା ତଥ୍ୟ ପୃଥିବୀରେ ଥିବା କେନ୍ଦ୍ରରୁ ଡିଜିଟାଲ୍‌ ଏରିଭେସନ୍‌ ମଡେଲ୍‌ ଜେନେରେଟ କରାଯାଉଛି ।