ଚମ୍ପିଆନ୍ସ ଟ୍ରଫି: ଟସ ଜିତି ଆଫଗାନିସ୍ତାନର ବ୍ୟାଟିଂ ଜାରି

ସମାଜ ଡିଜିଟାଲ ଡେସ୍କ: ଚମ୍ପିଆନ୍ସ ଟ୍ରଫିର ଗ୍ରୁପ ବି’ରେ ଶୁକ୍ରବାର ଆୟୋଜିତ ଆଫଗାନିସ୍ତାନ-ଅଷ୍ଟ୍ରେଲିଆ ମ୍ୟାଚରେ ଆଫଗାନିସ୍ତାନ ଟସ ଜିତି ବ୍ୟାଟିଂ କରୁଛି। ଶକ୍ତିଶାଳୀ ଇଂଲଣ୍ଡକୁ ହରାଇଥିବା ଆଫଗାନିସ୍ତାନର ଆତ୍ମବିଶ୍ଵାସ ଦୃଢ଼ ରହିଛି। ୧୩.୩ ଓଭର ସୁଦ୍ଧା ଦଳ ୨ ଉଇକେଟ ହରାଇ ୭୦ ରନ ସଂଗ୍ରହ କରିଛି। ଦଳର ସ୍କୋର ୩ ରନ ହୋଇଥିବାବେଳେ ପ୍ରଥମ ଝଟକା ଲାଗିଥିଲା। ସ୍ପେନସର ଜନସନଙ୍କ ବଲରେ ରହମାନୁଲ୍ଲା ଗୁରବାଜ ପ୍ରଥମ ଉଇକେଟ ଭାବେ ପାଭିଲିଅନକୁ ଫେରିଥିଲେ। ପରେ ଇବ୍ରାହିମ ଜଦରାନ ଏବଂ ସେଦିକୁଲ୍ଲା ଅଟଳ ଦଳର ସ୍କୋରକୁ ଆଗେଇ ନେଇଥିଲେ। ତେବେ ୭୦ ରନରେ ୨ୟ ଉଇକେଟର ପତନ ଘଟିଥିଲା। ଆଦାମ ଜାମ୍ପାଙ୍କ ବଲରେ ଜଦରାନ ଆଉଟ ହୋଇଥିଲେ। ସେ ୨୮ ବଲରୁ ୨୨ ରନ ସଂଗ୍ରହ କରିଥିଲେ। ଇଂଲଣ୍ଡ ବିପକ୍ଷ ମ୍ୟାଚରେ ଜଦରାନ ୧୭୭ ରନର ବିଶାଳ ଇନିଂସ ଖେଳିଥିଲେ। ତେବେ ଅଟଳ ୩୧ ରନ ଏବଂ ରହମତ ଶାହ ୧ କରି ଅପରାଜିତ ରହିଛନ୍ତି।

Comments are closed.