ପିପିଲି : ରଜକ ମହାସଂଘ ପିପିଲି ମଣ୍ଡଳର ସଭାପତି ଚକ୍ରଧର ସେଠୀଙ୍କର ୮୬ବର୍ଷ ବୟସରେ ତାଙ୍କ ଜଗନ୍ନାଥପୁର ସ୍ଥିତ ବାସଭବନରେ ପରଲୋକ ଘଟିଛି । ଗତ କିଛିଦିନ ଧରି ସେ ମସ୍ତିଷ୍କ ଜନିତ ରୋଗରେ ପିଡିତ ଥିଲେ। ସେ ଜଣେ ସ୍ପଷ୍ଟବାଦୀ, ମିଷ୍ଠଭାଷି, ଧର୍ମପରାୟଣ ଓ ନ୍ୟାୟବନ୍ତ ବ୍ୟକ୍ତି ଭାବେ ସ୍ଥାନୀୟ ଅଞ୍ଚଳରେ ବେଶ୍ ପରିଚିତ ଥିବା ବେଳେ ବହୁ ସାମାଜିକ ଓ ସାଂସ୍କୃତିକ ଅନୁଷ୍ଠାନ ସହ ସେ ପ୍ରତ୍ୟକ୍ଷ ଓ ପରୋକ୍ଷ ଭାବେ ଜଡିତ ରହି ଶେଷ ସମୟ ପର୍ଯ୍ୟନ୍ତ ସମାଜସେବାରେ ନିଜକୁ ବ୍ୟସ୍ତ ରଖୁଥିଲେ। ଜଣେ ନ୍ୟାୟବନ୍ତ ମୁରବି ଭାବେ ସେ ପିପିଲି ଓ ଆଖପାଖ ଅଞ୍ଚଳର ଶତାଧିକ ବିବାଦକୁ ସଫଳତାର ସହ ସମାଧାନ କରି ଉଚ୍ଚ ପ୍ରଶଂସିତ ହୋଇଥିଲେ। ଜାତୀୟ ଦଳିତ, ଆଦିବାସୀ, ସଂଖ୍ୟାଲଘୁ ମହାସଂଘର ରାଜ୍ୟ ସଭାପତି ବିଜୟ କୁମାର ସେଠୀଙ୍କର ସେ ପିତା ହୋଇଥିବା ବେଳେ ତାଙ୍କ ପରଲୋକରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି। ବହୁ ବିଶିଷ୍ଟ ବ୍ୟକ୍ତି ତାଙ୍କ ବାସଭବନରେ ପହଞ୍ଚି ଶେଷଦର୍ଶନ କରିବା ସହ ସ୍ୱର୍ଗତ ଆତ୍ମାର ସଦ୍ଗତି କାମନା କରିଥିଲେ । ଏକ ଶୋକାକୂଳ ପରିବେଶ ମଧ୍ୟରେ ପୁରୀ ସ୍ୱର୍ଗଦ୍ୱାର ଠାରେ ତାଙ୍କ ଶେଷକୃତ୍ୟ ସଂପନ୍ନ କରାଯାଇଥିଲା।
Popular Categories
Previous article
Next article