ଚୌଦ୍ୱାର: ଚୌଦ୍ୱାର ଔଷଧ ବିକ୍ରେତା ସଂଘର ଏକ ବିଶେଷ ବୈଠକ ଅନୁଷ୍ଠିତ ହୋଇଯାଇଛି। ଚୌଦ୍ୱାର ପୌରପାଳିକା ୧୦ନଂ ୱାର୍ଡ଼ସ୍ଥିତ ଯଯାତୀ କେଶରୀ କ୍ଲବ ପରିସରରେ ସଂଘର ପ୍ରାକ୍ତନ ସଭାପତି ସୁବାସ ଚନ୍ଦ୍ର ଦଳାଇଙ୍କ ପୌରୋହିତ୍ୟରେ ଆୟୋଜିତ ଏହି ବୈଠକରେ ୟୁସିଡ଼ିଏର ସଂପାଦକ ପ୍ରଶାନ୍ତ କୁମାର ମହାପାତ୍ର, ସିଡ଼ିସିଡ଼ିଏର ସଭାପତି ଭାଗବତ ସାହୁ, କର୍ମକର୍ତ୍ତା ମନୋରଞ୍ଜନ ବଳ, ଚୌଦ୍ୱାର ପୌର ଉପାଧ୍ୟକ୍ଷ ଶୁଭେନ୍ଦୁ ସାମଲ ପ୍ରମୁଖ ଅତିଥି ଭାବେ ଯୋଗ ଦେଇ ଗ୍ରାହକ ମାନଙ୍କୁ ଉତ୍ତମ ସେବା ଯୋଗାଇବା ଦିଗରେ ଅଞ୍ଚଳର ଔଷଧ ବିକ୍ରେତା ମାନଙ୍କୁ ମାର୍ଗଦର୍ଶନ କରିଥିଲେ। ଏହି ଅବସରରେ ଔଷଧ ବିକ୍ରେତା ରାମକୃଷ୍ଣ ବେହେରାଙ୍କୁ ଜୀବନବ୍ୟାପୀ ସେବା ପାଇଁ ସମ୍ବର୍ଦ୍ଧିତ କରାଯାଇଥିଲା। ମଙ୍ଗୁଳି, ଗୁରୁଡ଼ିଝାଟିଆ, ଚୌଦ୍ୱାର ଅଞ୍ଚଳର ଶତାଧିକ ଖୁଚୁରା ଓ ପାଇକାରୀ ଔଷଧ ବ୍ୟବସାୟୀ ଏହି କାର୍ଯ୍ୟକ୍ରମରେ ଯୋଗ ଦେଇ ସେମାନଙ୍କ ବିଭିନ୍ନ ସମସ୍ୟା, ଅଭାବ ଓ ଅସୁବିଧା ସଂପର୍କରେ ଆଲୋଚନା କରିଥିଲେ। ଅନୁଷ୍ଠିତ ନିର୍ବାଚନରେ ସଂଘର ନୂତନ ସଭାପତି ମାନସ କୁମାର ସାହୁ, କାର୍ଯ୍ୟକାରୀ ସଭାପତି ମନୋରଞ୍ଜନ ମହାନ୍ତି, ଉପସଭାପତି ଅଭିମନ୍ୟୁ ପାଣିଗ୍ରାହୀ, ସଂପାଦକ ମାନସ ରଞ୍ଜନ ସାମନ୍ତରାୟ, ଯୁଗ୍ମ ସଂପାଦକ ନାରାୟଣ ଜେନା, କୋଷାଧ୍ୟକ୍ଷ ମୁରଲୀଧର ବେଉରା ସର୍ବସମ୍ମତି କ୍ରମେ ନିର୍ବାଚିତ ହୋଇଥିଲେ। ଏଥି ସହିତ କାର୍ଯ୍ୟକାରୀ କମିଟିକୁ ୮ଜଣ ସଦସ୍ୟ ମନୋନୀତ ହୋଇଥିଲେ। କାର୍ଯ୍ୟକାରୀ ସଦସ୍ୟ ଦିବ୍ୟଜ୍ୟୋତି ପାଣି ସ୍ୱାଗତ ଭାଷଣ ପ୍ରଦାନ କରିବା ସହ ସଭା ସଂଚାଳନ କରିଥିଲେ। ପ୍ରାକ୍ତନ ସଂପାଦକ ମାନସ ସାହୁ ବିବରଣୀ ପାଠ କରିଥିଲେ। ସୁରେନ୍ଦ୍ର କୁମାର ସାହୁ, ସେକ୍ ଆଫ୍ରୋଜ ମହମ୍ମଦ, ଲକ୍ଷ୍ମୀଧର ପଣ୍ଡା, ଅଭୟ ଚରଣ ମହାନ୍ତି ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ। କାର୍ଯ୍ୟକାରୀ ସଦସ୍ୟ କ୍ଷିତିଶ କୁମାର କର ଧନ୍ୟବାଦ ଅର୍ପଣ କରିଥିଲେ।
Comments are closed.