ଚୌଦ୍ୱାର:ଚୌଦ୍ୱାରରେ କାରଗିଲ ବିଜୟ ଦିବସ ପାଳିତ ହୋଇ ଯାଇଛି। ଏହି ଅବସରରେ କାରଗିଲ ଯୁଦ୍ଧରେ ସହିଦ୍ ହୋଇଥିବା ବୀର ଜବାନ୍ ଚୌଦ୍ୱାରର ରାଜକିଶୋର ସାହୁଙ୍କ ପ୍ରତିମୁର୍ତ୍ତିରେ ବିଭିନ୍ନ ଅନୁଷ୍ଠାନ ତରଫରୁ ମାଲ୍ୟାର୍ପଣ ଓ ଶ୍ରଦ୍ଧାଞ୍ଜଳି ଅର୍ପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ସ୍ୱେଚ୍ଛାସେବୀ ସଂଗଠନ ଉଦ୍ଧାର ଫାଉଣ୍ଡେସନ୍ ସଭାପତି ନରୋତ୍ତମ ଦାସଙ୍କ ପରିଚାଳନାରେ ସଂଗଠନ ସମ୍ପାଦକ ଶିବାନନ୍ଦ ବାରିକ, ଉପ ସଭାପତି ଦିଲ୍ଲିପ ସାହୁ, କାହ୍ନୁ ଚରଣ ସେଠୀ, କେଦାରନାଥ ବେହେରା, ଶିବାନନ୍ଦ ବେହେରା, ବିନୋଦ ପ୍ରଧାନ ଓ ସଦସ୍ୟା ଗୋଲାପ ସିଂ, ପ୍ରମିଳା ଓଝା, ଖୁଲଣା ସାହୁ, ସ୍ନେହପ୍ରଭା ମହାନ୍ତି ପ୍ରମୁଖ କପାଳେଶ୍ବର ନୂଆସାହିଠାରେ ଥିବା ସହିଦ୍ ରାଜକିଶୋରଙ୍କ ପ୍ରତିମୁର୍ତ୍ତି ଓ ଏହା ପରିବେଶ ସଫେଇ କରିବା ସହିତ ସହିଦଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ବିଜେପି ଚୌଦ୍ୱାର ମଣ୍ଡଳ ତରଫରୁ ଜିଲା ଉପ ସଭାପତି ପ୍ରଶାନ୍ତ କୁମାର ହୋତା, ସମ୍ପାଦକ ବୈରାଗୀ ଚରଣ ପ୍ରଧାନ, ହଂସ ଚରଣ ସାହୁ, ପ୍ରକାଶ ଚନ୍ଦ୍ର ବଡ଼ଜେନା, ଅଜିତ୍ କୁମାର ସୁବୁଦ୍ଧିରାୟ ଦେବେନ୍ଦ୍ର ଦାସ ପ୍ରମୁଖ ମାଲ୍ୟାର୍ପଣ କରିଥିଲେ। ସ୍ଥାନୀୟ କାଉନସିଲର ଆଶୁତୋଷ ଦାସ ଓ ୱାର୍ଡ଼ର ବହୁ ସଂଖ୍ୟକ ନାଗରିକ ସହିଦଙ୍କ ପ୍ରତିମୁର୍ତ୍ତିରେ ମାଲ୍ୟାର୍ପଣ କରିଥିଲେ।
Comments are closed.