ନୂଆଦିଲ୍ଲୀ : ଅରୁଣ ଗୋଏଲଙ୍କ ଇସ୍ତଫା ପରେ ଆଉ ୨ ନୂଆ ନିର୍ବାଚନ ଆୟୁକ୍ତଙ୍କ ନିଯୁକ୍ତି ନେଇ ଯୋଜନା କରୁଛନ୍ତି ସରକାର । ଆସନ୍ତା ୧୫ ତାରିଖ ସୁଦ୍ଧା ୨ ନୂଆ ନିର୍ବାଚନ ଆୟୁକ୍ତ ନିଯୁକ୍ତି ସମ୍ଭାବନା ରହିଛି । ଏନେଇ ସୂଚନା ଦେଇଛନ୍ତି କେନ୍ଦ୍ର ଆଇନମନ୍ତ୍ରୀ ଅର୍ଜୁନ ରାମ ମେଘଓ୍ବାଲ । ଏନେଇ ପ୍ରଧାନମନ୍ତ୍ରୀଙ୍କ ନେତୃତ୍ବାଧୀନ କମିଟି ଚୂଡାନ୍ତ ନିଷ୍ପତ୍ତି ନେବ । ମାର୍ଚ୍ଚ ୧୩ କିମ୍ବା ୧୪ରେ ଚୟନ କମିଟି ବୈଠକରେ ଏନେଇ ଚୂଡାନ୍ତ ହେବ । କହିରଖୁଛୁ ସିଇସି ରାଜୀବ କୁମାରଙ୍କ ବ୍ୟତୀତ ଅନ୍ୟ ୨ ଇସି ପଦ ଖାଲି ପଡିଛି । ଅନୁପ ଚନ୍ଦ୍ର ପାଣ୍ଡେ ଫେବୃୟାରୀ ୧୪ରେ ଅବସର ନେଇଥିଲେ । ଅନ୍ୟପଟେ ଗତକାଲି ଅଚାନକ ନିର୍ବାଚନ ଆୟୁକ୍ତ ଅରୁଣ ଗୋଏଲ ଇସ୍ତଫା ଦେଇଥିଲେ । ଆଗକୁ ନିର୍ବାଚନ ଥିବାରୁ ସରକାର ଏଥିପାଇଁ ତୁରନ୍ତ ପଦକ୍ଷେପ ନେବାକୁ ଯୋଜନା କରୁଛନ୍ତି । ତେଣୁ ୧୫ ତାରିଖ ସୁଦ୍ଧା ୨ ନୂଆ ନିର୍ବାଚନ ଆୟୁକ୍ତଙ୍କ ନିଯୁକ୍ତି ହୋଇପାରେ ବୋଲି ସୂଚନା ମିଳୁଛି ।
Comments are closed.