ଜି.ଉଦୟଗିରି : ଶ୍ରୀକଲା ଘାଟିରେ ଆଜି ଏକ କାର ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହେବା ଫଳରେ ୩ ଜଣ ଆହତ ହୋଇ ଜି.ଉଦୟଗିରି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଛନ୍ତି । ଜି.ଉଦୟଗିରି ଅଞ୍ଚଳରେ କିଛି ଦିନ ହେଲା ସିନେମା ସୁଟିଂ ଚାଲିଥିବାବେଳେ ଆଜି ସକାଳେ ଅଭିନେତା ଅଭିଷେକ ଗିରି ନିଜ କାର ନଂ ଓଡି ୦୨ ବିପି ୯୮୫୯ ଯୋଗେ ଅଭିନେତ୍ରୀ ଶାୟନ ମୁଖାର୍ଜୀ ଓ ସାଥି ସୁନିଲ କୁମାରଙ୍କ ସହ ଶ୍ରୀକଲା ଘାଟି ଅଞ୍ଚଳ ଦେଇ ବୁଲିବାକୁ ଯାଇଥିଲେ । ଘନ କୁହୁଡି ଯୋଗୁଁ ଭାରସାମ୍ୟ ହରାଇ କାରଟି ଦୁର୍ଘଟଣାଗ୍ରସ୍ତ ହୋଇ ରାସ୍ତା ତଳକୁ ଖସିପଡିଥିଲା। ଫଳରେ ଅଭିନେତା ଅଭିଷେକ ଗିରି, ଅଭିନେତ୍ରୀ ଶାୟନ ମୁଖାର୍ଜୀ ଓ ସୁନିଲ କୁମାର ଆହତ ହୋଇଥିଲେ। ସମସ୍ତଙ୍କୁ ଉଦ୍ଧାର କରାଯାଇ ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ଖବରପାଇ ଜି.ଉଦୟଗିରି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଛି ।
Comments are closed.