mission shakti banner

ରାସ୍ତାରେ ଜଳିଗଲା ଚଳନ୍ତା ଗାଡି

nua o banner

ଫୁଲବାଣୀ : କନ୍ଧମାଳ ଜିଲା ଖଜୁରିପଡ଼ା ନିକଟସ୍ଥ ଲେମ୍ବୁବଗିଚା ରାସ୍ତା ଉପରେ ଗୁରୁବାର ସଂଧ୍ୟାରେ  ଏକ କାର ଜଳୁଥିବା ଦେଖାଯାଇଥିଲା। ସ୍ଥାନୀୟ ଲୋକେ ତୁରନ୍ତ ଅଗ୍ନିଶମ ବିଭାଗକୁ ଖବର ଦେବାରୁ ଖଜୁରୀପଡାରୁ ଦମକଳ ବାହିନୀ ସେଠାରେ ପହଞ୍ଚି ନିଆଁକୁ ଆୟତ କରିଥିଲେ । ତେବେ ସେତେବେଳକୁ ଗାଡିଟି ସଂପୂର୍ଣ୍ଣ ଭାବେ ଜଳି ଯାଇଥିଲା । ନିଆଁ ଲାଗିଥିବା ଗାଡିରେ କେହି ନ ଥିବା ଦେଖାଯାଇଥିଲା।

ମିଳିଥିବା ସୂଚନା ମୁତାବକ ଏହି କାରଟି ଫୁଲବାଣୀରୁ ଭୁବନେଶ୍ୱର ରାସ୍ତାରେ ଯାଉଥିଲା। ତେବେ ଦୁତିପଡା ନିକଟସ୍ଥ ଲେମ୍ବୁବଗିଚା ନିକଟରେ ଗାଡିଟି ଚାଲୁଥିବା ଅବସ୍ଥାରେ ନିଆଁ ଲାଗିଯାଇଥିଲା। ଗାଡିରେ କେବଳ ଡ୍ରାଇଭର ଥିଲେ ବୋଲି କୁହାଯାଉଛି । ନିଆଁ ଲାଗିବା ପରେ ସେ ଗାଡି ଛାଡି ଦେଇ ଚାଲିଯାଇଥଲେ। ଏହି ଆକସ୍ମିକ ଅଗ୍ନିକାଣ୍ଡରେ କାହାର କୌଣସି କ୍ଷତି ହୋଇ ନ ଥିବା ଜଣାପଡିଛି। ଖଜୁରୀପଡା ପୁଲିସ ଘଟଣା ସ୍ଥଳରେ ପହଞ୍ଚି ଏହାର ଅନୁଧ୍ୟାନ କରୁଛି । ଅଗ୍ନିକାଣ୍ଡର କାରଣ ସଂପର୍କରେ କିଛି ସ୍ବଷ୍ଟ ଜଣାପଡି ନାହିଁ । ଏହି ଘଟଣା ସଂପୃକ୍ତ ଅଞ୍ଚଳରେ ଆଲୋଚ୍ୟର ବିଷୟ ହୋଇଛି।

Comments are closed.