ବୋଲଗଡ଼ : ବୋଲଗଡ଼ ବ୍ଲକ ପିଚୁକୁଳି ନିକଟ ଜାତୀୟ ରାଜପଥ ନଂ ୫୭ ବଘେଇ ହୋଟେଲ ଆଗରେ ଶୁକ୍ରବାର ଦୁଇ ସ୍କୁଟର ଆରୋହୀଙ୍କୁ ନୂଆପଡା ଜିଲା ଜଜଙ୍କ କାର ଧକ୍କା ଦେବାରୁ ଜଣେ ଆଶାକର୍ମୀ ଗୁରୁତର ହୋଇଥିବାବେଳେ ଜଣେ ଅମିନ ଆହତ ହୋଇଛନ୍ତି। ସୂଚନା ଅନୁଯାୟୀ ଆଜି ଜିଲା ଜଜ ଭୁବନେଶ୍ୱରର ଏକ ଟ୍ରେନିଂରେ ଯୋଗ ଦେବାକୁ ଯାଉଥିଲେ। ସ୍କୁଟରରେ ଚମ୍ପାଇଲୋ ଗ୍ରାମର ଆଶାକର୍ମୀ ସଞ୍ଜୁବାଳା ଦେଇ ଓ ରାସୋଳ ଗ୍ରାମର ଅମିନ କାର୍ଯ୍ୟ କରୁଥିବା ଶରତ ପରିଡା ରାସ୍ତାର ପାସ କରିଥିବାବେଳେ ଦ୍ରୁତଗତିରେ ଜଜଙ୍କ ହୋଣ୍ଡା ସିଟି କାର ନଂ (ଓଡି ୨୬ଜି ୦୩୫୩) ସ୍କୁଟର(ଓଡି୦୨ବି ୭୨୮୭) କୁ ଧକ୍କା ଦେଇଥିଲା। ଫଳରେ ଆଶାକର୍ମୀଙ୍କ ଗୋଡ଼ ଭାଙ୍ଗି ଗୁରୁତର ହେବା ସହ ଅମିନ ଜଣଙ୍କ ଆହତ ହୋଇଛନ୍ତି। ଉଭୟ ଗୁରୁତର ଆହତଙ୍କୁ ଖୋର୍ଦ୍ଧା ଜିଲା ଚିକିତ୍ସାଳୟ ପଠାଯାଇଛି। ତେବେ କାରରେ ଜଜଙ୍କ ସହ ତାଙ୍କ ଚାଳକ ରହିଥିଲେ। ଖବର ପାଇ ବେଗୁନିଆ ପୁଲିସ କାର ଓ ସ୍କୁଟରକୁ ଜବତ କରିଛି।
Popular Categories
Previous article
Next article