କାମାକ୍ଷାନଗର : କାମାକ୍ଷାନଗର ଉପଖଣ୍ଡର ସାମ୍ବାଦିକ ମାନଙ୍କ ଆୟୋଜନରେ ସହୀଦ ସରୋଜ ଦାସଙ୍କ ଉଦେଶ୍ୟରେ ଶ୍ରଦ୍ଧାଞ୍ଜଳୀ ଜଣାଇ କ୍ୟାଣ୍ଡେଲ ଶୋଭାଯାତ୍ରା ଅନୁଷ୍ଠିତ ହୋଇ ଯାଇଛି । ସିକ୍କିମ ବନ୍ୟାରେ ସହୀଦ ବୀର ଓଡ଼ିଆ ଯବାନ ସରୋଜ କୁମାର ଦାସଙ୍କ ଅମର ଆତ୍ମାର ସଦଗତି ନିମନ୍ତେ କାମାକ୍ଷାନଗର ଜନସାଧାରଣଙ୍କ ପକ୍ଷରୁ ମିଳିତ ଭାବେ କ୍ୟାଣ୍ଡେଲ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । କାମାକ୍ଷାନଗର ଜଗନ୍ନାଥ ମନ୍ଦିର ଠାରୁ ବୀର ସହୀଦଙ୍କ ଉଦ୍ଦେଶ୍ୟରେ ବିଭିନ୍ନ ନାରା ଦେଇ ଏହି ଶୋଭାଯାତ୍ରା ସହର ପରିକ୍ରମା କରିଥିଲା। କାମାକ୍ଷାନଗର ଥାନା କେନ୍ଦୁଢ଼ିପ ଗାଁର ବୀର ସହୀଦ ଯବାନ ସରୋଜଙ୍କୁ ସମସ୍ତ ଅଞ୍ଚଳବାସୀ ଅଶ୍ରୁଳ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଏହି ଶୋଭାଯାତ୍ରାରେ ସାମ୍ବାଦିକ, ଓକିଲ, ବୁଦ୍ଧିଜୀବୀ, ସମାଜସେବୀ, ରାଜନେତା, ବ୍ୟବସାୟୀଙ୍କ ଠାରୁ ଆରମ୍ଭ କରି ବିଭିନ୍ନ ସମ୍ପ୍ରଦାୟର ଲୋକମାନେ ଅଂଶ ଗ୍ରହଣ କରିଥିଲେ। ଏହି କାର୍ଯ୍ୟକ୍ରମରେ ବରିଷ୍ଠ ସାମ୍ବାଦିକ ଶୁଭମୟ ନନ୍ଦ, ହିମାଂଶୁ ଶେଖର ମହାପାତ୍ର, ଦିୱନି କୁମାର ସାହୁ, ସମେନ୍ଦ୍ର ସାହୁ , ସଦାଶୀବ ସେଠି, ହୃଦୟ ବଲ୍ଲଭ ମିଶ୍ର , ସୌମ୍ୟ ରଞ୍ଜନ ନାୟକ, ପ୍ରକାଶ କୁମାର ପାତ୍ର, ବନପ୍ରିୟା ଦଳେଇ ,ସୁମିତ୍ରା ମିଶ୍ର , ପର୍ଶୁରାମ ମହାଭୋଇ ,ପ୍ରହଲ୍ଲାଦ ମୁଦୁଲି, ସରୋଜକାନ୍ତ ବେହେରା, ପଦ୍ମନାଭ ଦାସ,ଦୟାନିଧି ସାହୁ ପ୍ରମୁଖ ୫୦ରୁ ଅଧିକ ସାମ୍ବାଦିକ ଓ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇଥିଲେ।
Comments are closed.