ହିନ୍ଦୁ ଧର୍ମ ଅନୁଯାୟୀ ପ୍ରତ୍ୟେକ ପୂଜାରେ କର୍ପୁର ଜଳାଯାଇଥାଏ । ଦେବାଦାବୀଙ୍କୁ ପ୍ରସନ୍ନ କରେ କର୍ପୁର ଆଳତୀ । ଏହାସହ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟୀ ।ପୂଜା ସମୟରେ କର୍ପୁର ଜାଳିବା ଦ୍ୱାରା ଘରର ବାତାବରଣ ସୁଗନ୍ଧ ଓ ପବିତ୍ର ହୋଇଥାଏ । ସକାରତ୍ମକ ଚିନ୍ତାଧାରା ଆସିଥାଏ । ମନରେ ପବିତ୍ରତା ଭରିଦିଏ କର୍ପୁରର ବାସ୍ନା ।
କର୍ପୁର ଜଳାଇବାର ଅନେକ ବୈଜ୍ଞାନିକ ମହତ୍ତ୍ଵ ମଧ୍ୟ ରହିଛି । କର୍ପୁର ସୁଗନ୍ଧରେ ପରିବେଶରେ ଥିବା କେତେକ ହାନୀକାରକ ଜୀବାଣୁ ନଷ୍ଟ ହୋଇଥାଆନ୍ତି ।
ରାତିରେ ଶୋଇବା ବେଳେ କର୍ପୁର ଜାଳି ଶୋଇଲେ ନିଦ୍ରାହୀନତା ଦୂର ହୋଇଥାଏ ଏବଂ ଦୁଃ ସ୍ୱପ୍ନ ଆସି ନ ଥାଏ ।
ଯଦି କାଳସର୍ପ ଦୋଷ ବା ପିତୃଦୋଷ ରହିଥାଏ ତେବେ ରୋଷେଇ ସରିବା ପରେ ଘର ସଫା କରି କର୍ପୁର ଜାଳି ଦିଅନ୍ତୁ ।
ଘରେ ଶାନ୍ତି ଚାହୁଁଥିଲେ ସକାଳେ ଓ ସଂଧ୍ୟାରେ ପୂଜା ସମୟରେ ଘିଅରେ ଭିଜାଇ କର୍ପୁର ଜଳାନ୍ତୁ ଏବଂ ସମ୍ପୂର୍ଣ୍ଣ ଘରେ ଏହାର ସୁଗନ୍ଧ ଖେଳାଇ ଦିଅନ୍ତୁ । ଏହା ଦ୍ୱାରା ଘରେ ନକରାତ୍ମକ ଶକ୍ତି ଦୂର ହୁଏ ।
ବିବାହରେ ବିଳମ୍ବ ହେଉଥିଲେ ୩୬ଟି ଲବଙ୍ଗ ଓ ୬ଟି କର୍ପୁର ନିଅନ୍ତୁ ସେଥିରେ ହଳଦୀ ଓ ଅରୁଆ ଚାଉଳ ନେଇ ମା ଦୁର୍ଗାଙ୍କୁ ଆହୁତି ଦିଅନ୍ତୁ । ଏହା ଦ୍ୱାରା ବିବହାରେ ଉପୁଜି ଥିବା ବାଧା ଦୂର ହେବ ।
ଗାଧେଇବା ପାଣିରେ ଦୁଇ ବୁନ୍ଦା କର୍ପୁର ତେଲ ମିଶାଇ ଗାଧାନ୍ତୁ । ଏହା ଦ୍ୱାରା ମାନସିକ ଚିନ୍ତା ଦୂର ହେବା ସହ ଭାଗ୍ୟରେ ମଧ୍ୟ ପରିବର୍ତ୍ତନ ହୋଇଥାଏ ।
ରାତିରେ ହନୁମାନ ଚାଳିଶା ପାଠ କରିବା ପରେ ଭଗବାନ ହନୁମାନଙ୍କ ନିକଟରେ ଦୁଇଟି କର୍ପୁର ଜାଳନ୍ତୁ । ଏହା ଦ୍ୱାରା କ୍ରୋଧ ଶାନ୍ତ ହେବ ଓ ଆକସ୍ମିକ ଦୁର୍ଘଟଣାର ଆଶଙ୍କା କମ୍ ହୋଇଥାଏ ।
ଧନ ବୃଦ୍ଧି କରିବାକୁ ଚାହୁଁଥିଲେ ରାତିରେ ଶୋଇବା ପୂର୍ବରୁ ରୋଷେଇ ଘରେ ସବୁ ବାସନ ସଫା ହେବା ପରେ ଏକ ଚାନ୍ଦି ଗିନାରେ ୨ ଟି ଲବଙ୍ଗ ଓ ୨ଟି କର୍ପୁର ଜଳାନ୍ତୁ । ଏହି ଉପାୟକୁ ବୁଧବାରରୁ ଆରମ୍ଭ କରନ୍ତୁ ଏବଂ ସେହି ଦିନ ସବୁଜ ରଙ୍ଗର ପୋଷାକ ପରିଧାନ କରିବା ସହ ଅନ୍ୟକୁ ଦାନ କରୁନ୍ତୁ ।
ପତି ଓ ପତ୍ନୀଙ୍କ ମଧ୍ୟରେ ଝଗଡା ବା ତିକ୍ତତା ରହିଥାଏ ତେବେ ଶୟନ କକ୍ଷରେ କୌଣସି ଏକ କୋଣରେ ୨ଟି କର୍ପୁର ରଖି ଦିଅନ୍ତୁ ଓ ତାହା ମିଳେଇଲା ପରେ ଆଉ ଦୁଇଟି ରଖନ୍ତୁ । ସମସ୍ୟା ସମାଧାନ ହେବା ଯାଏଁ ନିୟମିତ ଏପରି କରନ୍ତୁ ।