ବରଗଡ଼: ବିଜେପୁର ବିଧାନସଭା ଉପନିର୍ବାଚନ ପାଇଁ ବରଗଡ଼ରେ ଜୋରଦାର ପ୍ରଚାର ଚାଲିଛି। ତିନି ପ୍ରମୁଖ ଦଳ ବିଜେପି, ବିଜେଡି ଓ କଂଗ୍ରେସର ବଡ଼ ବଡ଼ ନେତା, ମନ୍ତ୍ରୀଙ୍କ ଭିଡ଼ ଦେଖିବାକୁ ମିଳିଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଦଳୀୟ ପ୍ରାର୍ଥୀ ରୀତା ସାହୁଙ୍କ ପାଇଁ କସରତ ଆରମ୍ଭ କରିଦେଇଛନ୍ତି। ପ୍ରଚାର ନିମନ୍ତେ ମୁଖ୍ୟମନ୍ତ୍ରୀ ଗୁରୁବାର ପୂର୍ବାହ୍ନରେ ଲାଉମୁଣ୍ଡାରେ ପହଞ୍ଚି ସେଠାରୁ ହାଇଟେକ୍ ବସ୍ ଯୋଗେ ରୋଡ଼୍ ଶୋ କରିଥିଲେ। ଏହି ପ୍ରଚାର ସମୟରେ ଲୋକଙ୍କୁ ସମ୍ବୋଧିତ କରିବା ସହ ‘ଆପଣ ମାନେ ଖୁସି ତ’ ବୋଲି ସେ ପଚାରିଥିଲେ। ଗୁରୁବାର ଓ ଶୁକ୍ରବାର ଦୁଇ ଦିନ ବିଜେଡ଼ି ସୁପ୍ରିମୋ ପ୍ରଚାର କରିବେ। ତେବେ ଆଜି ବିଜେପୁର ଏବଂ ବରପାଲିର ୩୧ଟି ସ୍ଥାନରେ ମୁଖ୍ୟମନ୍ତ୍ରୀ ପ୍ରଚାର କରିବାର କାର୍ଯ୍ୟକ୍ରମ ଥିବା ସୂଚନା ମିଳିଛି। ଦ୍ବିତୀୟ ଦିନର ପ୍ରଚାର ସାରି ଅପରାହ୍ନ ୩.୩୦ରେ ସେ ଭୁବନେଶ୍ୱର ଫେରିବେ। ଏହି ପ୍ରଚାର ଅଭିଯାନରେ ବିଜେଡିର ଅନେକ କର୍ମୀ ଓ ସମର୍ଥକମାନଙ୍କ ଗହଳି ଦେଖିବାକୁ ମିଳିଛି।
Popular Categories
Previous article
Next article