୨୭ରେ ଭାରତ ବନ୍ଦ

ନୂଆଦିଲ୍ଲୀ: ବିବାଦୀୟ କୃଷି ଆଇନ ପ୍ରତ୍ୟାହାର ଦାବିରେ ଦିଲ୍ଲୀ ସୀମାନ୍ତରେ ଦୀର୍ଘ ୧୧ ମାସ ଧରି ଆନ୍ଦୋଳନ ଚଳାଇଥିବା କୃଷକ ସଂଗଠନଗୁଡ଼ିକ ଆସନ୍ତା ୨୭ରେ ପୁନର୍ବାର ଭାରତ ବନ୍ଦ ଆହ୍ବାନ ଦେଇଛନ୍ତି। ଏଥିଲାଗି ସେମାନେ ସମସ୍ତ ପ୍ରସ୍ତୁତି ଚଳାଇଛନ୍ତି। ମିଳିତ କୃଷକ ମଞ୍ଚର ଗାଜିପୁର ସୀମା ମୁଖପାତ୍ର ଜଗତାର ସିଂ ବାଜୱା ଶନିବାର କହିଛନ୍ତି ଯେ ପ୍ରସ୍ତୁତି ଶେଷ ହୋଇଛି। ଦେଶରେ ସବୁ ପ୍ରକାର ସାର୍ବଜନୀନ ଗତିବିଧି ବନ୍ଦ କରାଯିବ ବୋଲି ସେ କହିଛନ୍ତି। ‘ମୋଦୀ ସରକାରଙ୍କ ବିରୋଧରେ ଭାରତ ବନ୍ଦ’ ସ୍ଲୋଗାନ ଏଥିପାଇଁ ପ୍ରସ୍ତୁତ ହୋଇଥିବା ସେ କହିଛନ୍ତି।