ୱାଶିଂଟନ : ଆମେରିକାର କାଲିଫୋର୍ଣ୍ଣିଆ ଜଙ୍ଗଲରେ ଲାଗିଥିବା ନିଅାଁରେ ପୋଡ଼ି ହୋଇ ଶୁକ୍ରବାର ସୁଦ୍ଧା ଅନ୍ୟୁନ୍ ୬୩ ଜଣଙ୍କ ମୃତ୍ୟୁ ଘଟିଥିବାବେଳେ ୧୨ ହଜାରରୁ ଊର୍ଦ୍ଧ୍ବ ଘର ଜଳି ପାଉଁଶ ହୋଇଯାଇଛି। ସପ୍ତାହେ ହେବ ଜଙ୍ଗଲଟି ହୁତୁହୁତୁ ହୋଇ ଜଳୁଛି। ବିଭାଗୀୟ ଅଧିକାରୀଙ୍କ ସୂଚନା ଅନୁସାରେ ୬୩୧ ଜଣ ନିଖୋଜ ଅଛନ୍ତି। ଅଗ୍ନିକାଣ୍ଡରେ କାଲିଫୋର୍ଣ୍ଣିଆର ପାରାଡାଇଜ୍ ସହର ସମ୍ପୂର୍ଣ୍ଣ ରୂପେ ଛାରଖାର ହୋଇଯାଇଛି।
ଜଙ୍ଗଲ ନିଅାଁକୁ ଲିଭାଇବା ପାଇଁ ୯୪୦୦ ଦମକଳ ମୁତୟନ କରାଯାଇଛି। ପ୍ରବଳ ବେଗରେ ପବନ ବହିବା ଯୋଗୁଁ ମୁହୂର୍ତ୍ତକ ମଧ୍ୟରେ ନିଅାଁ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ବ୍ୟାପିଯାଉଛି ବୋଲି ବିଭାଗୀୟ ଅଧିକାରୀ କହିଛନ୍ତି। ନିଖୋଜ ଲୋକଙ୍କୁ ଖୋଜିବା ପାଇଁ ଫୋରେନ୍ସିକ୍ ଦଳ, ବିପର୍ଯ୍ୟୟ ପ୍ରଶମନ ଦଳ, ସେନା ଏବଂ ସନ୍ଧାନୀ କୁକୁରଙ୍କ ସହାୟତା ନିଆଯାଉଛି।
ନଭେମ୍ବର ୮ରେ ଜଙ୍ଗଲରେ ନିଅାଁ ଲାଗିଥିଲା। ଖବର ମିଳିବା ପରେ ନିଅାଁ ଲିଭାଇବା କାର୍ଯ୍ୟରେ ଅଗ୍ନିଶମ ବାହିନୀକୁ ମୁତୟନ କରାଯାଇଥିଲା। ଏପର୍ଯ୍ୟନ୍ତ ମାତ୍ର ୪୦% ଅଞ୍ଚଳରେ ନିଅାଁ ଲିଭାଯାଇ ପାରିଛି। ଅଗ୍ନିକାଣ୍ଡରେ ପ୍ରାୟ ୧,୪୫,୦୦୦ ଏକର ଜଙ୍ଗଲ ଜଳିଯାଇଛି। ଅଗ୍ନିକାଣ୍ଡର ସଠିକ୍ କାରଣ ଜଣାପଡ଼ିନାହିଁ। କେତେକ ଲୋକ ଅଗ୍ନିକାଣ୍ଡ ପାଇଁ କାଲିଫୋର୍ଣ୍ଣିଆର ପାସିଫିକ୍ ଗ୍ୟାସ ଏବଂ ଇଲେକ୍ଟ୍ରିକ୍ କମ୍ପାନୀଙ୍କୁ ଦାୟୀ କରିବା ସହ ମାମଲା ଦାୟର କରିଛନ୍ତି।
କାଲିଫୋର୍ଣ୍ଣିଆ ଜଙ୍ଗଲ ନିଆଁରେ ୬୩ ମୃତ, ପାରାଡାଇଜ ସହର ଧ୍ୱଂସ
Popular Categories
Previous article
Next article